.webp){kind=icon}
Цените на природниот гас во Европа растат најдолго досега, три недели по ред заради тоа што клучниот извозен погон во САД остана затворен што дополнително ја заострува ситуацијата на пазарот кој веќе е под притисок затоа што Москва ги намали испораките.
Фјучерсите пораснаа за дури 6,1 отсто и одат нагоре трета недела по ред. Проектот Freeport LNG сега објави дека планира делумно да продолжи со работа дури во октомври или еден месец по тоа што претходно се најавуваше. Тоа дополнително ќе ја оптовари европската индустрија, но и властите кои мора да обезбедат доволни количини гас во складиштата во пресрет на зимата, а истовремено ќе ја продолжат и борбата против недостигот на струја
„Новото одложување на почетокот со работа на Freeport e клучниот удар за Европа затоа што ќе го отежни обезбедувањето залихи за зимата“, вели Tom Marzec – Mansec, од ICIS во Лондон.
„Како прекинот со работата се оддложува до зима, така ќе расте загриженоста дека одложувањето ќе се повтори и тоа баш во време кога потребата од гас е најголема“.
Европа со месеци не наоѓа во енергетска криза која има главна улога во забавувањето на растот и зголемувањето на инфлацијата. Русија ги намали испораките низ главниот гасовод за 60 отсто, а до крајот на месецов тие може и да сопрат заради тековно одржување на гасоводот. Германија веќе изрази сомнеж дека по заврувањето на ремонтот Северен тек ќе продлжи со работа.
Bloomberg
Американскиот течен гас има се поважна улога во Европа затоа што помага да се затворат дел од празнините кои настанаа по потезиите на Москва. Првпат минатиот месец САД испорача повеќе гас во Европа отколку што стига од гасоводот од Русија, покажуваат податоците на Меѓународната агенција за енергија.
Погонот Freeport во Тексас е затворен од почетокот на јуни, по експлозија. Од него се добива 15 отсто од гасот кој САД го извезуваат, меѓудругото и во Европа. Целосно враќање во погон се очекува кон крајот на годината.
Bloomberg
Ризиците по снабдувањето се шират низ европската економија и го зголемуваат стресот на фирмите зголемувајќи ги нивните потреби за финансирање. Германскиот енергетски гигант бара помош од Владата затоа што мора да купува поскап гас за да го надомести кусокот од Русија.
Од друга страна, Русија планира промени во сопственичата структура на погонот за течен гас во Сахалин 2, што уште повеќе ќе влијае на глобалниот пазар затоа што и Јапонија заедно со Европа ќе влезе во трката по гас.
