.webp){kind=icon}
Цените на енергијата во Европа уриваат рекорди, додека затегнувањето на руското снабдување со енергенси поттикнува владини акции со цел да се одржат светилките запалени.
Како уште еден удар за потрошувачите кои веќе се борат со зголемените трошоци, цените на енергијата во Германија скокнаа на рекордно ниво, додека стравувањата од недостиг на гас може да значат дека владата треба да го ограничи производството во погоните што го користат горивото. Француската влада во средата соопшти дека ќе го национализира претпријатието Electricite de France SA за да преземе целосна контрола врз снабдувањето со електрична енергија.
Германскиот парламент денеска ќе гласа за легислативата што треба да дозволи владата да го ограничи производството од станиците кои не се сметаат за неопходни за безбедноста во снабдувањето. Нацијата се обидува да најде начини како да заштеди гориво за да се осигура дека има доволно залихи пред зимата.
Bloomberg
Пред Европа е сè поголема закана да остане без гас оваа зима. Русија веќе ја ограничува испораката на гас додека се зголемуваат тензиите поради војната во Украина и поврзаните санкции. Ситуацијата може да се влоши - гасоводот „Северен тек“ до Германија, главниот канал до континентот, треба да се затвори заради одржување во јули, а постои загриженост дека нема да се врати во целосна употреба по завршувањето на работите.
Германската енергија за следната година, европскиот репер, се искачи на рекордни 345,55 евра за мегават-час додека француските цени се тргуваа со 398 евра, најмногу од историскиот максимум во декември, на Европската берза за енергија (European Energy Exchange AG).
Германија планира да „извади“ 10 гигавати од стари централи на јаглен и нафта како резерва за зимската сезона. Владата би интервенирала само за да го ограничи гасот како последна опција, сметаат познавачите.
Додавајќи ја загриженоста за снабдувањето со гас, ЕДФ (EDF) оваа недела предупреди дека можеби ќе треба да го намали производството во некои од своите француски нуклеарни реактори во текот на летото, бидејќи сушата ја намалува количината на речна вода достапна за ладење.
Најновиот пораст на цените го зголемува притисокот врз претпријатијата и индустриите кои сè повеќе се обраќаат кон владите за финансиска поддршка за да можат да продолжат да ги снабдуваат клиентите. Исто така, може да ја зголеми инфлацијата што веќе ги тера Европејците да плаќаат повеќе за основните производи како храна и бензин.
Како и ЕДФ, германската „Унипер“ (Uniper SE) бара финансиска помош од владата бидејќи губи многу пари обидувајќи се да најде замени за рускиот проток на гас.
