Нафтениот пазар очекува да потрае хаосот на Црвеното Море

Се чини дека нафтениот пазар се подготвува за повеќенеделно нарушување на транспортот во јужниот дел на Црвеното Море, каде милитантните Хути ги напаѓаат трговските бродови како одговор на израелската војна во Газа.  Чартерите на танкери за транспорт на сурова нафта и горива - кои за некои бродови се договорени и до еден месец однапред - откриваат дека растечки број на бродови се ангажирани за рути кои ќе ја избегнат опасната зона, според сопствениците на бродови, посредниците и трговците.

Воздушните напади во Јемен на 12 јануари од страна на САД и Британија го зголемија чувството на хаос за бродовите во областа, особено откако западните морнарици последователно ги предупредија бродовите да се држат настрана. Со тоа што Хутите ветија дека ќе возвратат на комерцијалните флоти на двете нации, бројните сопственици избраа да се држат настрана од рутата низ којашто вообичаено минува околу 12 проценти од глобалната трговија преку море.

„Се повеќе сопственици ја избегнуваат областа“, рече Александар Саверис, главен извршен директор на „Еуронав“ (Euronav NV), чија сопствена флота може да транспортира повеќе од 50 милиони барели нафта. „Она што изгледаше како нешто што може да се реши за неколку недели, сега навистина може да има последици за многу месеци“.

Наместо тоа, цистерните за транспорт на товари со гориво се ангажираат да пловат во Азија наместо во Европа, што предизвика пораст на заработката. Во исто време, неколку ирачки пратки сурова нафта се резервирани за танкери кои ќе заобиколат илјадници милји низ Африка.

Расте заработката

Данскиот сопственик на танкери „Торм“ рече дека има зголемување на ангажманите во Азија за транспорт на рафинирани горива. Тоа помогна да се зголеми заработката на големите танкери кои испорачуваат нафтени производи од 35.000 долари дневно на 60.000 долари дневно во текот на изминатата недела. Покрај тоа, има и значителен обем на ирачка сурова карго нафта резервирана да плови од Персискиот Залив до Европа околу Африка, според луѓето вклучени на пазарот.

Некои заедно товарат помали товари на поголеми бродови за да го направат патувањето поисплатливо, рече еден од луѓето.

Иако тековите на сурова нафта од Персискиот Залив до Европа се поретки отколку во Азија, пратките сепак го откриваат ставот на сопствениците кон транзитирањето по Црвеното Море.

Повеќе заобиколувања

Превозот со контејнери, каде што првично беа концентрирани многу напади на Хутите, веќе во голема мера беше пренасочен пред воздушните напади на САД и Велика Британија. На пример, следеше зголемување на бројот на танкери и превозници на рефус.

Цените на некои танкери за сурова нафта исто така се зголемуваат во последните недели.

Тарифите на бродовите на „Афрамакс“ (Aframax) кои превезуваат околу 700.000 барели се зголемија двојно и достигнаа речиси 80.000 долари дневно од средината на декември. Цените на бродовите „Суецмакс“ (Suezmax) – кои го добиле името поради можноста целосно да пловат низ каналот што ги поврзува Азија и Европа - се зголемуваат за околу 50 проценти до речиси 70.000 долари на ден.

 

Во моментов нема коментари за веста. Биди прв да коментира...

Остави коментар