.webp){kind=icon}
Нафтата забележа најголема неделна загуба од почетокот на ноември, додека напредуваат разговорите за договор за прекин на огнот меѓу Израел и Хамас, што може да биде клучен чекор кон завршување на конфликтот.
Вест тексас интермедиејт (ВТИ) поскапе на повеќе од 74 долари за барел во петокот, но падна за речиси пет проценти на неделно ниво. Брент исто така е на пат за неделен пад. Преговорите за прекин на огнот сè уште се во рана фаза и не се очекува напредок во наредните денови, велат извори запознаени со ова прашање.
Сè уште постои загриженост дека тензиите на Блискиот Исток може брзо да ескалираат. Хутите со седиште во Јемен продолжуваат да целат на бродовите во Црвено Море и Аденскиот Залив, додека пазарите чекаат американски одговор на нападот со беспилотно летало во кој загинаа американски војници во Јордан во текот на викендот.
„Не е изненадување што премијата за геополитички ризик за суровата нафта паѓа бидејќи надежите за напредок во разговорите за прекин на огнот во Газа се зголемуваат“, рече Вишну Варатан, економист во банката „Мизухо“. „Но, таков вкоренет и поларизиран конфликт веројатно нема да има линеарен, неограничен и краток пат до решение“.
Фјучерсите на ВТИ на пат кон најлоша недела од почетокот на ноември
Bloomberg
Нафтата забележа месечен раст во јануари по нападите на комерцијалните бродови во Црвено Море, но силната понуда и загриженоста за побарувачката од клучните потрошувачи спречија цените значително да пораснат. ОПЕК+ во четвртокот сигнализираше дека ќе го задржи намалувањето на производството во овој квартал.
ОПЕК го намали дневното производство на нафта за 490.000 барели минатиот месец, бидејќи групата производители и нејзините сојузници започнаа нови напори за запирање на глобалната презаситеност и поддршка на цените, според истражувањето на „Блумберг“.
Цени:
- ВТИ за испорака во март поскапе за 0,6 отсто, на 74,26 долари за барел, во 11.45 часот во Сингапур;
- Брент за испорака во април поскапе за 0,7 отсто, на 79,23 долари за барел;
Цените неделава паднаа за 5,2 отсто.
