.webp){kind=icon}
Последниот потег на Русија да го прекине снабудањето со гас кон Европа ја интензивира глобалната конкуренција за испорака на горивото преку море, заканувајќи се со повисоки цени и недостиг од Азија до Јужна Америка.
Претпријатијата за снабдување во Јужна Кореја и Јапонија ги забрзуваат плановите за купување повеќе течен гас за зимата од страв дека Европа исто така ќе прави залихи. Дури и земји како Индија и Тајланд за да го избегнат недостигот, се обидуваат да набават енергенс.
Руски Гаспром соопшти дека повторно ќе го намали дотокот низ гасоводот Северен Поток кон Европа, присилувајќи ги купувачите во регионот да најдат замена, како на пример ЛНГ. Цените на горивото се на највисоко ниво сезонава затоа што купувачите од Азија и Европа во трка за набавка.
Трговците сметаат дека цените денеска ќе се искачат на највисоко ниво по почетокот на март, непосредно по руската инвазија врз Украина. Во текот на зимата ќе се намалат и расположливите количини кои ги извезуваат Австралија и САД.
Природниот гас е клучно гориво за производство на струја и греење, а високите цени се закануваат да ја зголемат инфлацијата низ светот. На ова ниво на цените, некои од земјите во развој како Пакистан, Бангладеш и Аргентита, нема да можат да си дозволат набавка на гориво и им се заканува недостиг на струја.
Кина, најголемиот увозник на ЛНГ во светот, засега стои настрана од случувањата заради корона – ограничувањата кои ја намалија побарувачката на гориво. Ако економската активност во земјата порасне, тоа ќе резултира со помалку испораки за Европа, вели за Бломберг ТВ Саманта Дарт, раководителка на истражувањата за гас во Голдман Сакс.
