Цената на нафтата скокна откако извештајот на индустријата укажа на намалување на резервите од сурова нафта во САД, пред состанокот на групата ОПЕК+, каде шо се очекува да бидат потврдени тековните намалувања на понудата.
Нафтата брент беше близу 89 долари за барел, откако во вторникот заврши на највисоко ниво од октомври. Вест тексас интермедиејт (ВТИ) беше околу 85 долари. Американскиот институт за нафта објави дека националните резерви паднале за повеќе од два милиона барели минатата недела, според луѓе запознаени со податоците. Процените пред објавувањето на официјалните податоци подоцна во средата исто така покажаа пад на резервите на бензин и дестилати.
Bloomberg
ОПЕК и неговите сојузници ќе ги разгледаат пазарите на нафта и политиките за снабдување на онлајн состанок в среда, при што се очекува официјалните лица од земјите членки да ја задржат нивната севкупна стратегија непроменета.
Цената на нафтата годинава порасна, а украинските напади врз руската енергетска инфраструктура и тензиите на Блискиот Исток го поттикнаа растот. Намалувањата на ОПЕК го притиснаа пазарот, иако некои членки целосно престанаа да ги испорачуваат договорените намалувања, додека рускиот извоз расте.
„Со оглед на тоа што ОПЕК+ веќе ги продолжи доброволните намалувања на производството до средината на годината, виртуелниот состанок на организацијата во текот на денов веројатно само ќе ја потврди актуелната политика на групата“, рече Вивек Дар, аналитичар во Комонвелт банка во Австралија. „Фјучерсите на нафтата брент треба да се приближат до 75-80 долари за барел во наредните месеци со оглед на нашиот став дека ќе бидеме разочарани од растот на побарувачката на нафта во Кина“.
.webp){kind=icon}
