Цените на европскиот природен гас се зголемија со падот на приливот на енергеност од Норвешка, што го потенцираше ризикот од преголемо потпирање на еден голем снабдувач.
Референтните холандски фјучерси скокнаа за цели 7,7 отсто во понеделникот, најмногу за еден месец. Непланираниот прекин значи дека огромната норвешка фабрика за преработка на гас Нихамна е недостапна. Во исто време, тековите во Исингтон - терминалот во Велика Британија, влезна точка за една третина од вкупната понуда на Британија, паднаа на нула.
Прекините ја покажуваат клучната улога што ја игра Норвешка во снабдувањето со гас на Европа, откако повеќето испораки на руски гасовод беа стопирани по инвазијата на Украина. И по енергетската криза, пазарот останува многу чувствителен на проблемите со снабдувањето и трговците брзо реагираат на секое отстапување од плановите за сезонско одржување.
Прочитај повеќе
![Германија ќе ја укине таксата за складирање гас во 2025 година](/data/images/2024-05-30/61927_412239113_kf.jpg)
Германија ќе ја укине таксата за складирање гас во 2025 година
Планирано е зголемување на давачката во јули на 2,50 евра за мегават-час од 1,86 евро во моментов.
30.05.2024
![Европскиот гас поскапува откако Израел вети одговор на нападот од Иран](/data/images/2024-04-16/58774_410319236_kf.jpg)
Европскиот гас поскапува откако Израел вети одговор на нападот од Иран
Референтните фјучерси пораснаа дури за 3,4 отсто во почетокот на тргувањето, приближувајќи се до највисоките нивоа од јануари.
16.04.2024
![Екологистите бараат ЕБОР да не го одобрува кредитот за гасоводот](/data/images/2023-11-15/47092_404348134_kf.jpg)
Екологистите бараат ЕБОР да не го одобрува кредитот за гасоводот
Гасниот интерконектор ќе ја зголеми зависноста на земјава од фосилни горива.
26.03.2024
„Непланираниот норвешки прекин уште еднаш ја истакнува зависноста на Европа од увоз“, рече Оле Хансен, шеф за стратегија за стоки во „Саксо банк“ (Saxo Bank A/S).
Во меѓувреме, увозот на ЛНГ во Европа се намали во последните недели поради зголемената побарувачка во Азија, каде топлотниот бран ја зголемува потрошувачката на енергеност што се користи за ладење. „Тоа ја зголемува конкуренцијата за товарот меѓу Европа и Азија, рече Хансен.
Bloomberg Mercury
Немаше доволно достапни иформации во понеделникот наутро за овие прашања, а сето тоа ја влошува вознемиреноста во трговската заедница. Фјучерсите растат три последователни месеци, а во мај скокнаа за 18 отсто.
Норвешкиот мрежен оператор „Гаско“ (Gassco A/S) соопшти дека Нихамна (Nyhamna) и Исингтон (Easington) ќе бидат надвор од системот барем до среда.
Холандските предмесечни фјучерси, кои се европски референт за гасот во Европа, се зголемија за 7,87 отсто до 36,91 евра за мегават-час во 10:24 часот во Амстердам. Договорот во Обединетото Кралство порасна за 6,7 проценти.