Цената на нафтата се зголеми бидејќи долгоочекуваното намалување на каматните стапки од страна на американските Федерални резерви (Фед) за неделава ги намали грижите за побарувачката на енергентот во наредниот период.
Нафтата брент се тргува по цена од близу 73 долари за барел, што претставува поскапување во однос на вчерашниот ден од 1,6 отсто, додека ВТИ (WTI-West Texas Intermediate) чини нешто над 70 долари за барел.
Bloomberg Mercury
Мислењата на инвеститорите остануваат поделени во врска со темпото на намалување на каматните стапки од страна на Фед, а некои од нив се обложуваат дека намалувањето в среда ќе започне со половина процентен поен. Пониските каматни стапки веројатно ќе ја поттикнат побарувачката на енергија.
Нафтата загуби околу 15 проценти од својата трговска вредност во овој квартал главно поради економското забавување во Кина и големата понуда.
Според експертите, покрај очекувањата за тоа колку ќе се намалат каматните стапки, постои континуирана загриженост и за либиското снабдување. Од друга страна, големите рафинерии за нафта во Европа го намалуваат количеството на сурова нафта што го преработуваат во своите фабрики, а регионот се соочува и со конкуренција од нова голема рафинерија во Нигерија, која е во процес на вклучување.
.webp){kind=icon}
