.webp){kind=icon}
Србија е меѓу најголемите 10 земји извознички на пченка во светот, а секоја турбуленција има значително влијание врз редовното работење, вели Лука Поповиќ, помошник директор за оперативни работи во Делта Аграр.
Вели дека втората половина од годината носи значајни предизвици.
„И во првите шест месеци бевме сведоци на големи промени на светскиот пазар и земјоделството беше една од гранките што беше најпогодена од сите настани, од војната во Украина. Имавме забрана за извоз што беше на сила до минатиот четврток, за различни категории стоки - пченка, пченица - со разни уредби, со забрана за извоз на масло и брашно“, рече Поповиќ во гостувањето на ТВ Блумберг Адриа.
Неможноста за извоз во голема мера влијаело на нивните резултати, односно на остварените приходи во првите шест месеци. Компанијата е една од најголемите извозници од Србија - пред се на пченка, пченица и друга трговска стока.
„Очекуваме да добиеме податоци од Стопанската комора за тоа колкав е реалниот надворешно трговски дефицит, бидејќи земјоделството е една од ретките гранки каде што секоја година имаме суфицит, односно извезуваме сериозна количина. Србија лани извезла пченка за повеќе од 460 милиони евра, пченица за повеќе од 210 милиони евра“, рече тој.
Згора на се што донесе забраната за извоз, имавме и суша, истакна тој.
„Дефинитивно ќе има многу помалку стока за извоз и тоа може да влијае на цените и да нема доволни количини на стоки, па може да се случи пазарите кои традиционално се навикнати да се снабдуваат со српски суровини и производи да останат без нив, рече Поповиќ.
Повеќе за оваа тема во видеото.
