Фјучерсите за кафе паднаа најмногу во последните два месеца откако претходно достигнаа ново рекордно ниво, поради загриженоста за снабдувањето, која сè уште е доминантна тема на пазарот.
Најактивниот договор за арабика во Њујорк скокна за 2,1 отсто и достигна рекорд од 4,299 долари за фунта во вторникот, пред да падне за 4,8 отсто. Тоа е најголемиот пад од 2 декември. Сепак, цените остануваат над 4 долари за фунта, што е пресвртница што премиум зрното ја достигна минатата недела.
Цените за оваа сорта се удвоија изминатата година, а пазарот се движи нагоре поради загриженоста за кусокот од најголемиот производител Бразил и загриженоста за квалитетот на жетвата за следната сезона. Но, „можноста за остар пад останува поради нестабилноста на пазарот“, посочи во белешка брокерот на СФ (Sucden Financial), Хари Хауард.
Неповолните временски услови и натаму се закана за бразилските култури, при што најголемиот регион за одгледување арабика минатата недела доби помалку врнежи од нормалното. Ограничените врнежи и ниската влажност на почвата, неповолни за раст на зрната, се очекува да продолжат и следната недела, според прогнозата на метеоролошкиот сервис „Максар“ (Maxar Technologies Inc).
Сепак, неодамнешното зголемување на резервите на арабика во складиштата под надзор на берзите може да обезбеди некакво олеснување за пазарот.
.webp){kind=icon}
