Американските царини за увоз на бакар би можеле да бидат воведени во наредните недели - неколку месеци пред истекот на рокот за донесување на оваа одлука, велат добро информирани извори.
Цената на бакарот на њујоршката берза достигна рекордна вредност од 5,3740 долари по фунта, пред да опадне на околу 5,3005 долари по фунта.
Американскиот претседател Доналд Трамп во февруари му наложи на Министерството за трговија да истражи каков е потенцијалот за воведување царини на бакар и да поднесе извештај во рок од 270 дена. Сепак, се очекува ова прашање да биде решено многу порано, велат извори кои не сакаа да бидат именувани.
Прочитај повеќе
Накратко од светот: Цената на бакарот достигна рекорд
Иако е договорен прекин на огнот во Црно Море, официјален Кремљ наведува дека неговото учество во тоа ќе зависи од низа предуслови.
26.03.2025
„Рио Тинто“ во преговори за најголемото спојување во рударството досега
„Рио Тинто“ и „Гленкор“ одржаа почетни разговори за комбинирање на нивните бизниси за да создадат гигант што ќе му конкурира на долгогодишниот титан во индустријата БХП.
17.01.2025
Прогноза за 2025-та: Ќе растат цените на бакарот и на алуминиумот
Индустриските метали имаат корист од подобрите макроекономски изгледи во услови на паѓање на каматните стапки.
02.01.2025
Белата куќа одби да ги коментира овие наводи.
Се чини дека истрагата е чиста формалност, бидејќи Трамп постојано зборува за воведување царини.
Питер Наваро, трговски советник на Белата куќа, во февруари рече дека истрагата се одвива забрзано.
„Нашиот нов министер за трговија, Хауард Лутник, работи по она што јас го нарекувам Трампово време, така што резултатите од истрагата ќе бидат на претседателската маса во најкус можен рок“, рече Наваро.
Трамп се закани со воведување царини од дури 25 проценти на целиот увоз на бакар. Таков потег би можел да го потресе глобалниот пазар на бакар, еден од најкористените метали во светот, кој се користи за правење цевки и електрични кабли.
За време на првиот претседателски мандат, Трамп воведе царини на челик и алуминиум. Сепак, истрагите што му претходеа на тоа траеа околу 10 месеци.
Бакарот на њујоршкиот Comex порасна за дури 3,1 отсто на рекордни 5,3740 долари по фунта, пред да опадне на 5,2925 долари. Референтната цена на Лондонската берза на метали порасна за 1,1 процент на 10.004 долари по тон.
„Цената на бакарот брзо расте, особено на њујоршката берза, поради можноста за воведување на царини од 25 проценти“, вели Сју Ванкиу, аналитичар на ЦФ (Cofco Futures Co).
„Постои ризик дека брзо ќе опадне, доколку царините бидат помали од 25 проценти“, додава.
Големата разлика во цените на бакарот на лондонската и њујоршката берза ги наведе трговците да побрзаат со испораките на црвениот метал во Америка, за да заработат што повеќе.
Кина, но и други големи светски потрошувачи, остануваат без резерви.
Трамп во обраќањето на 5 март на седницата на Конгресот ги бранеше царините, со што внесе неизвесност.
Аналитичарите на „Голдман Сакс“ (Goldman Sachs Group Inc.) и „Ситигруп“ (Citigroup Inc.) им порачаа на клиентите дека очекуваат Америка да воведе царина на бакар од 25 проценти до крајот на годината. „Трафигура“ (Trafigura), најголемата светска фирма за трговија со бакар, вели дека цената на бакарот би можела да скокне од сегашните 10.000 долари на 12.000 долари.
- Во пишувањето помогнаа Yvonne Yue Li и Winnie Zhu.
.webp){kind=icon}
