Нафтата флуктуираше додека пазарот ги одмерува измешаните забелешки на Доналд Трамп и заканата од нови казни за руската сурова нафта доколку неговиот колега Владимир Путин одбие прекин на огнот со Украина.
Трамп им рече на новинарите на „Ер Форс 1“ (Air Force One) дека не мисли дека Путин „ќе го повлече својот збор“, што се чинеше како да ја намалува острината од неговата претходна критика, кога „Ен-би-си њуз“ (NBC News) извести дека тој е „многу лут“ на рускиот претседател и дека ќе размисли за „секундарни царини“.
Јунскиот договор на брентот сурова нафта е малку променет и неговата цена е нешто под 73 долари за барел, додека цената на нафтата „ВТИ – Вест Тексас Интермедиејт“ (WTI - West Texas Intermediate) е близу 69 долари. Заканата на Трамп доаѓа пред воведувањето на таканаречените реципрочни американски давачки оваа недела врз другите нации што може да доведат до повеќе одмазднички мерки и дополнителна нестабилност на пазарот.
Bloomberg Mercury
Русија е еден од трите најголеми светски производители на нафта, што значи дека секој заеднички обид да се казни Путин може да има далекусежен ефект врз поширокиот пазар на сурова нафта. Индија и Кина, кои станаа клучни купувачи по целосната инвазија на Москва врз Украина, би се соочиле со особен притисок.
Дали царините „се само тешки муабети или навистина ќе бидат имплементирани, останува да се види“, рече Гао Џијан, аналитичар во „Кишенг фјучерс“ (Qisheng Futures Co.). „Но руската трговија со нафта е од големи размери, па тој мора добро да процени и да одмери за и против“, вели Џијан.
Извозот на сурова нафта од производителите на ОПЕК + (Организација на земји извознички на нафта и нивни сојузници) во март достигна највисоко ниво во последните пет месеци, а американските санкции врз флотата на нафтени танкери на нацијата покажуваат знаци на попуштање. Трамп во телефонско интервју за „Ен-би-си“ (NBC) изјави дека ќе наметне казни доколку не се постигне договор за Украина.
Трамп, исто така, рече дека размислува да го казни Техеран со неодредени „секундарни царини“ и ја повтори заканата за бомбардирање на Иран додека не потпише договор со кој се откажува од нуклеарното оружје.
Фјучерсите на брент нафтата се на пат да остварат мала месечна добивка, откако другите американски царини и санкции предизвикаа загриженост за потенцијални нарушувања на тековите на сурова нафта, иако главните трговци остануваат песимистични во врска со изгледите за остатокот од годината поради зголемената понуда.
.webp){kind=icon}
