Златото достигна нов рекорд, се бара засолниште пред новите давачки на Трамп

Златото достигна рекордно високо ниво откако бранот на нестабилност ги натера трговците да бараат засолниште пред очекуваното воведување царини од страна на претседателот Доналд Трамп, што ја зголеми загриженоста дека глобалната економија се движи кон трговска војна.

Прачките за прв пат се искачија над 3.133 долари за унца, по порастот од 1,4 проценти во претходната сесија. Трговците се на работ бидејќи Трамп планира да објави огромни давачки за сите трговски партнери на Америка во среда, што му помогна на златото да го достигне својот најдобар квартал од септември 1986 година, откако порасна за една петина оваа година.

„Златото го започнува вториот квартал од годината од историски силна позиција, поддржана од економски и геополитички услови кои целосно ја оправдуваат неговата сегашна привлечност“, рече Квазар Елизундиа, истражувач во „Пеперстоун“, во белешката од понеделникот. „Главниот двигател зад овој исклучителен раст на златото е зголемената загриженост поради ескалацијата на трговските и геополитичките тензии, во голема мера поттикнати од неодамнешните одлуки и предупредувања од американскиот претседател Доналд Трамп“.

Физичката побарувачка и поволната макро позадина помагаат да се поттикне релито, според Ејми Гоуер, стратег за стоки во „Морган Стенли“.

Неодамнешното купување од страна на инвеститорите на прачки, монети и фондови со кои се тргува на берзата претставуват нови приливи и „веројатно ќе има уште многу“, рече Говер на ТВ Блумберг. „И потоа, тука е и макро аголот на златото за тоа како се натпреварува во портфолиото на инвеститорот наспроти стапките и акциите и обврзниците“.

Гоуер очекува цените да се зголемат на 3.300-3.400 долари оваа година, приклучувајќи им се на неколку големи банки кои ги зголемија своите цели за благородниот метал. „Голдман Сакс“ овој месец ја зголеми својата прогноза до 3.300 долари за унца до крајот на годината.

Златните прачки често се засолниште во време на економска и политичка несигурност. Срeдствата на инвеститорите и златни ЕТФ-ови се зголемија за 6 проценти досега во 2025 година по четири години нето-одливи, според податоците собрани од „Блумберг“.

Рeлито на златото беше поттикнато од купувањето од централните банки и побарувачката за засолниште во услови на зголемени геополитички и макро несигурности. Тие двигатели ги поддржаа цените дури и кога трговците со свопови ги поправаа облозите за олеснување на  Банката на федерални резерви оваа година со намалување на стапката за два четврт-поени. Пониските стапки одат во прилог на прачките кои не носат принос.

Спот златото поскапе за 0,3 проценти до 3.133,56 долари за унца заклучно со 9:02 часот во Сингапур. Bloomberg Dollar Spot Index беше малку променет. Среброто и платината беа рамни, додека паладиумот имаше раст.

Во моментов нема коментари за веста. Биди прв да коментира...

Остави коментар