Златото го очекува најголема неделна добивка во последниот месец

Златото е на пат да оствари најголем неделен раст во последниот месец, со оглед на фактот дека стапија во сила низа американски царини, ама и затоа што претседателот Доналд Трамп назначи привремен гувернер на Федералните резерви (Фед), очекувајќи да се залага за неговите повици за пониски каматни стапки.

Благородниот метал се тргува близу 3.400 долари, со очекување за неделен пораст од еден отсто. Трамп во средата изјави дека го избрал претседателот на Советот на економски советници Стивен Миран да го пополни местото на гувернерката на Федералните резерви, Адријана Куглер, но само до јануари. Потрагата по трајна замена ќе продолжи, рече тој. По овие вести, индексот на доларот на „Блумберг“ ги избриша своите дневни добивки.

Миран е остар критичар на централната банка, повторувајќи ги повиците на претседателот на САД за полесна монетарна политика. Пониските каматни стапки обично се од корист за златото, за кое не се плаќа камата.

Одделно, премијата за фјучерси за злато во Њујорк скокна откако „Фајненшл тајмс“ објави дека САД вовеле царини за златните прачки од еден килограм. Извештајот дојде во услови на растечки нервози на пазарот поради трговските тензии со Индија, Бразил и други партнери.

Утрово во Сингапур златото се тргуваше малку пониско - на 3.393,85 долари. Цените на паладиумот и платината паднаа, додека цената на среброто остана стабилна.