Цената на бакарот порасна и металот се тргува малку под рекордно високо ниво откако барањата за повлекување залихи од магацините на Лондонската стокова берза се зголемија најмногу од 2013 година.
Цените се зголемија за дури 1,7 проценти, на 11.333 американски долари за тон, што претставува тргување за еден долар под рекордот постигнат во понеделникот, откако податоците од берзата покажаа скок на нарачките за бакар во азиските магацини.
Добивките во последните недели се поттикнати од шпекулациите дека може да има недостиг бидејќи трговците пренасочуваат огромни количини на метал во САД за да ја искористат можноста пред воведување на увозни царини.
Bloomberg Mercury
Проблемите со снабдувањето доминираа на пазарот на бакар во текот на целата година по серијата непланирани прекини во рудниците од Индонезија до Чиле и Демократска Република Конго. Кинеските топилници и рудари се заглавени во преговори за снабдување за 2026 година, кои се покажуваат тешки бидејќи рударите имаат предност во преговорите.
Инвеститорите чекаат и на низа американски податоци што треба да се објават оваа недела, вклучувајќи извештаи за вработувањето во приватниот сектор, увозните цени и индустриското производство.
Во рамки на утринското тргување на Лондонската берза цената на бакарот порасна за 1,7 проценти, на 11.329,50 долари за тон, со што добивките за оваа година достигнаа околу 29 проценти. Алуминиумот порасна за 0,9 отсто, а цинкот за 0,7 отсто.
.webp){kind=icon}
