Од полноќ нови цени на горивата во земјава, нафтата поскапува вртоглаво

На бензинските станици низ земјава се повторуваат сликите од пред четири години, по почетокот на војната во Украина. Возачите од утрово ги полнат резервоарите до крај во исчекување на повисока цена.

Промена на цената на горивата во земјава ќе има веќе од полноќ. Малопродажните цени на бензините Еуросупер  БС-95 и Еуросупер БС-98, се зголемуваат за 1,00 денар за литар и од ноќеска ќе се продават по 74,50 односно 76,50 денари за литар, соодветно. Малопродажната цена на дизлот не се менува и тој и натаму ќе се продава по цена од 71,00 денар за литар.

Извори од нафтениот бизнис на „Блумберг Адрија“ утрово прогознираа дека денешната промена на цената ќе биде симболична затоа што РКЕ пресметува врз основа на петдневен просек. Но до крајот на неделата зголемување на цените ќе биде позначително.

РКЕ има механизам протиов ценовни шокови

Од РКЕ објаснуваат дека во 2022 година, по почетокот на војната во Украина, е воспосатавен механизам со кој се прават секојдневно пресметки и се утврдува дали се создадени услови за донесување на одлука за утврдување на највисоките малопродажни цени за одделни нафтени деривати.

„РКЕ носи вонредни одлуки секој пат кога пресметките покажуваат дека во крајната малопродажна цена ќе има зголемување или намалување од најмалку 2,00 денари за литар за бензините, дизел горивата и за екстра лесно гориво. Додека за мазутот одлуки се носат секој пат кога пресметките покажуваат дека во крајната малопродажна цена ќе има зголемување или намалување од најмалку 1,00 денар за литар“, објаснуваат од РКЕ. 

Со ваквиот пристап се обезбедува сигурност, стабилност и предвидливост на пазарот со нафтените деривати, а се со единствена цел да се заштитат потрошувачите од големи ценовни осцилации, велат од Комисијата. 

Цената на светските брзи расте најмногу во последните четири години

Од утрово цената на нафтата на светските берзи расте најмногу во последните четири години. На отворањето на пазарите цената на нафтата од типот Брент скокна за 13 отсто на близу 82 долари за барел, за подоцна, според најновите податоци на терминалот на „Блумберг“ да се смири на околу 78,60 долари за барел. Минатата недела овој тип на нафта се тргуваше околу 70 долари за барел, а во петокот, пред почетокот на нападот врз Иран, затвори на 72, 8 долари.

Bloomberg

„Блумберг“ пренесува дека „Ситигруп“ ја зголеми краткорочната прогноза дека Брент за нафатата и дека таа оваа недела ќе се тргува меѓу 80 и 90 долари за барел. Но, ако конфликтот ескалира и ако регионалната инфраструктура за нафта биде погодена, цените би можеле да пораснат и до 120 долари за барел.

Аналитичарите предупредуваат дека се ќе зависи од тоа колку долго ќе бидат блокирани испораките преку Ормускиот теснец. Ако протокот на танкери низ теснецот не се обнови брзо, цената на нафтата би можела да надмине 100 долари за барел.

ОПЕК+ вчера начелно се согласи да го зголеми производството на нафта следниот месец за 206.000 барели дневно, но дури и со ова зголемување испораките ќе бидат во ризик ако водниот пат остане затворен.

Доколку водниот пат остане затворен 25 дена, големите производители на нафта на Блискиот Исток би можеле да бидат принудени да го прекинат производството, бидејќи складиштата на копно и складирањето на море ќе ги достигнат своите лимити, велат аналитичарите на „ЏП Морган“, пренесува „Блумберг“.

Текстот е ажуриран со соопштението од Регулаторната комисија за енергетика.