ОПЕК+ начелно се согласи да го зголеми производството на нафта следниот месец, изјавија делегати, во момент кога конфликтот предизвикан од американско-израелските удари врз Иран се заканува да го засили растот на цените на суровата нафта.
Клучните членки, предводени од Саудиска Арабија и Русија, кои во првиот квартал ја паузираа серијата зголемувања, ќе додадат 206.000 барели дневно, изјавија делегатите во неделата.
Тие побараа да останат анонимни бидејќи разговорите се доверливи.
Прочитај повеќе
Танкерите го менуваат курсот, додека пазарот на нафта го чека сигналот од ОПЕК
Геополитичката ескалација го зголемува ризикот за петтина од светската трговија со нафта и гас.
пред 2 часа
Прв напад врз танкер во близина на Ормускиот Теснец од почетокот на војната
Нападот се случил крај брегот на Оман во Арапското Море, северно од пристаништето Хасаб.
пред 2 часа
Како нападите врз Иран го ставија Ормускиот теснец во фокусот на светската јавност
Пазарите стравуваат од сценарио во кое Ормускиот теснец станува ново жариште на енергетска криза. Низ него минуваат 16,7 милиони барели дневно, па секој ризик од затворање ги тресе пазарите.
28.02.2026
Руската нафта со рекорден попуст од 2023 под притисок на санкциите
Цената на руската нафта „Уралс“ падна далеку под нивото што Москва го вгради во буџетските планови, откако санкциите ја ограничија трговијата.
23.02.2026
Нафтата ќе поскапи бидејќи САД и Иран се подготвени за војна
Американскиот претседател Доналд Трамп - кој нареди ограничени воени напади против земјата минатата година - сака договор за нуклеарната програма на Иран и нареди масовно воено засилување во регионот.
23.02.2026
Зголемувањето е повисоко од месечните додавања од само 137.000 барели дневно во четвртиот квартал и доаѓа во време на превирања што го потресуваат Блискиот Исток. Продлабочувањето на конфликтот доведе до смртта на иранскиот врховен лидер ајатолахот Али Хамнеи, закани за регионалното производство на нафта и нарушување на сообраќајот низ клучниот Ормуски теснец.
„Блумберг“ претходно објави дека ОПЕК+ на состанокот во неделата ќе ја разгледа можноста за поголемо зголемување на понудата, откако САД и Израел ги извршија нападите врз Иран.
Одлуката за формалните производствени квоти можеби нема да ја отслика целосната реакција на водечките членки на ОПЕК+.
Саудиска Арабија, Ирак, Кувајт и Обединетите Арапски Емирати веќе минатиот месец почнаа да го зголемуваат извозот на нафта, повторувајќи го потегот што некои од нив го направија за време на американските напади врз иранските нуклеарни постројки во јуни минатата година.
Дали ќе можат да продолжат со тоа, во крајна линија ќе зависи од состојбата во Ормускиот теснец, каде што сообраќајот значително забави како што конфликтот се развива.
.webp){kind=icon}
