Фондацијата „Гејтс“ соопшти дека ги чека резултатите од ревизијата на нејзините поранешни интеракции со Џефри Епстајн, во услови на јавен притисок околу врските на соосновачот Бил Гејтс со дискредитираниот финансиер.
Надворешната ревизија, нарачана на почетокот на оваа година, ќе ги испита и „актуелните политики за проверка и развој на нови филантропски партнерства“, соопшти организацијата во изјава објавена онлајн во вторникот. Одборот очекува да добие ажурирање за истрагата во наредните месеци.
Главниот извршен директор на фондацијата, Марк Сузман, ја споменал ревизијата во е-пошта до вработените минатиот месец, соопшти портпарол. „Волстрит журнал“ ја објави информацијата за ревизијата претходно во вторникот.
Прочитај повеќе
Случај Фекаи - ниту луксузните бизниси не се поштедени од откритијата во документите на Епстајн
И познатиот стилист на славните Фредерик Фекаи се најде во епицентарот на трансакциите и спорните дејствија што ја осветлуваат мрежата на моќ и привилегии околу Џефри Епстајн, по објавувањето на нови документи.
22.03.2026
Каква врска има серијата „Индустрија“ со документите на Епстајн?
Серијата „Индустрија“ на „ХБО Макс“ го следи светот на високите финансии во Лондон, а една од нејзините главни теми речиси директно го одразува скандалот со Џефри Епстајн, реалните настани и обвинувања, вклучително и оние што допираат до самиот врв на светските моќници.
10.03.2026
Оставка од шефот на Светскиот економски форум поради врски со Епстајн
Што откри истрагата и зошто ова доаѓа во чувствителен момент за организацијата?
26.02.2026
Епстајн плаќал по 12.000 долари месечно за неговите злодела да „исчезнат“ од интернет
Со години престапникот тајно плаќал илјадници долари месечно за да го „исчисти“ своето име на интернет, откриваат нови документи.
13.02.2026
Адвокатката на „Голдман Сакс“, Румлер, заминува поради поврзаност со Епстајн
По серијата објавени федерални документи поврзани со Џефри Епстајн, главната адвокатка на „Голдман Сакс“, Кети Румлер, поднесе оставка, која ќе стапи во сила на 30 јуни.
13.02.2026
Гејтс, поранешен лидер на „Мајкрософт“ кој стана познат филантроп, ја нарече својата одамна позната поврзаност со Епстајн „огромна грешка“, но негираше какво било недолично однесување. Нивните контакти повторно привлекоа внимание во последните месеци по објавените документи од Министерството за правда во САД. Гејтс (70), треба да сведочи пред комитет на Претставничкиот дом во јуни во врска со нивните контакти, кои неговиот портпарол ги прикажува како резултат на обидите на Епстајн да се наметне во кругот на технолошкиот магнат.
Имиџот и организацијата на фондацијата веќе се засегнати. Соосновачката Мелинда Френч Гејтс се повлече од одборот во 2024 година и го отстрани своето име од институцијата по разводот со Бил Гејтс во 2021 година, делумно поради неговите врски со Епстајн.
Фондацијата со децении е еден од најголемите финансиери на глобални иницијативи за јавно здравје, образование и родова еднаквост. На почетокот на годинава се обврза на годишно трошење од 9 милијарди долари, со план да ги затвори своите операции во 2045 година.
Организацијата, исто така, се обврза да ги ограничи оперативните трошоци на 14 отсто од вкупниот буџет на фондацијата, што ќе бара укинување на до 500 работни места. Организацијата со седиште во Сиетл имала 2.375 вработени во јануари, кога го најави планот за намалување на персоналот.
.webp){kind=icon}
