Ставен е под контрола пожарот што избувна претпладнево во Универзалната сала во Скопје. Во пожарот, кој сега е локализиран, нема повредени лица, посочи министерката за култура Бисера Костадиновска-Стојчевска. Објектот во моментите кога избувнал пожарот бил празен, направена е материјална штета, која допрва ќе ја утврдуваат надлежните институции.
„Апелирам за брзо расчистување на причините за пожарот. Нема жртви и повредени лица, пред да се продолжи со какви било активности ќе се утврди колкава е штетата. Морам да потенцирам дека објектот е осигурен, што значи дека од осигурувањето ќе се санира штетата што е направена“, вели Бисера Костадиновска-Стојчевска.
Прочитај повеќе
Гори Универзална сала
Во изминатиот период продолжи реконструкцијата на надворешниот дел
09.04.2024
Во пожарот, кој сега е локализиран, изгоре новата купола на салата, која беше поставена пред само десетина дена. Засега нема информации што е причината за пожарот. На единствениот број за итни случаи 112 во ЦУК утринава е добиена пријава за пожар на отворено, кој се шири над објектот на Универзалната сала, лоцирана на булеварот „Партизански одреди“ во Скопје.
Универзалната сала почна да се реновира пред еден месец, а надлежно за реконструкција е Министерството за култура. Реконструкцијата беше стопирана пред две години, по доаѓањето на функција на градоначалничката Данела Арсовска. Градежна механизација пред еден месец започна со работа на расчистување на просторот, кој е затрупан со ѓубре. Во изминатиот период се работеше на надворешниот дел од салата, за потоа во втората фаза да се работи на внатрешноста.
.webp){kind=icon}
Во моментов нема коментари за веста. Биди прв да коментира...