Просечната месечна исплатена нето-плата по вработен во мај 2024 година изнесува 41.252 денара, што е зголемување во однос на претходниот месец, кога изнесуваше 41.085 денари. Според податоците на Државниот завод за статистика, просечната месечна исплатена нето-плата по вработен во мај 2024 година во однос на мај 2023 година е зголемена за 13,1 отсто.
Добро утро, ова се преостанатите пет вести со кои треба да го почнете денот.
За пет години „исчезнаа“ 165.000 лица од активното население во Македонија
За нешто повеќе од 165.000 лица е намален бројот на активното население во Македонија во периодот од 2018 до 2023 година, покажуваат новите податоци на Државниот завод за статистика. Тоа само ги потврдува предупредувањата на бизнис-заедницата дека нашата земја веќе извесен период се соочува со недостиг од работници. Поради иселувањата и намалениот наталитет станува извесно дека во иднина во Македонија буквално нема да има кој да работи.
Според податоците на Државниот завод за статистика. во периодот 2013-2023 година стапките на активност, вработеност и невработеност бележат промени од година на година, во насока на пораст и намалување.
Германија ги кани македонските студенти: Од 12 до 20 евра за час сезонска работа
Германија постојано бара странски висококвалификувани професионалци, меѓутоа земјата исто така привлекува и има потреба од повеќе сезонски работници, особено за време на врвната туристичка сезона. „Студирање во Германија“ (Studying-In-Germany), најголемата платформа за информации за студирање во оваа земја, подготви детален истражувачки труд за вработување за странски студенти. Истражувањето се фокусира на најпопуларните и најкорисните летни работи, платите за сезонските работни места, условите за работна виза за одмор и други правни регулативи.
Според истражувањето, државјаните на Македонија и другите земји од Западен Балкан (Албанија, Босна и Херцеговина, Косово, Црна Гора и Србија) се квалификувани за привремени работни визи во Германија, благодарение на правилата за Западен Балкан.
Сајбер стрес-тестот на ЕЦБ откри безбедносни проблеми кај банките
Неколку европски банки покажаа слабости во нивната способност да одговорат на симулиран хакерски напад во историски тест од нивниот врвен регулатор.
Европската централна банка (ЕЦБ) се очекува да ги објави наодите од својот прв ваков тест во текот на неделава. Прелиминарните извештаи од супервизорот покажуваат дека заемодавците главно имале помалку сериозни проблеми, според „КПМГ Германија“, која советувала повеќе од десетина банки за истрагата.
Тикток планира да лансира е-трговија во Европа
Тикток планира да ја лансира својата платформа за купување во апликација во Шпанија и Ирска веќе во октомври, повторно започнувајќи ја застоената кампања за проширување на својот најбрзорастечки бизнис во Европа.
Стартапот за социјални медиуми „Бајтденс“ (ByteDance) ги известил партнерите, вклучувајќи ги и трговците на мало и креативните агенции, во текот на изминатите неколку недели да се подготват за лансирање на продавницата Тикток во двете земји, според извори запознаени со ова прашање. Иако воведувањето ќе биде помало од планираното, во тек се подготовки за проширување на порталот и во други делови на Европа следната година, велат анонимни извори.
Летните олимписки игри во Париз се очекува да бидат најжешки досега
Се прогнозира дека температурите ќе надминат 35 Целзиусови степени во француската престолнина кога Олимпијадата ќе биде во полн ек следната недела.
Париз ќе биде блиску до 30 Целзиусови степени в петок, на денот на церемонијата на отворање, а потоа, на почетокот на следната недела, ќе биде уште потопло, според синоптичарската платформа „Ветер сервисес“ (Weather Services International). Температурите нема да се спуштат под 20 Целзиусови степени бидејќи во Европа продолжува топлиот бран.
.webp){kind=icon}
