.webp){kind=icon}
Фејсбук може да има повеќе мртви отколку живи членови во рок од 50 години, па бизарно или не, во дигиталната доба треба да се размислува и за дигиталната смрт.
Големите компании што стојат зад најпознатите платформи стануваат сè посвесни за гробиштата на профили и податоци што ги чуваат, па повеќето развиле начин како да го решат прашањето за смртта на интернет.
Добро утро! Ова се петте вести што треба да ги знаете на почетокот од денот.
Како „роботите“ им помагаат на македонските претприемачи и менаџери?
Човечката природа по однос на прифаќањето на технолошките промени не се промени многу во однос на минатото. Секогаш постои стравот од непознатото, од неизвесноста што ја носат новите технологии, покрај придобивките за сите нас, се разбира.
Меѓутоа, упатените велат дека комбинирањето на човечката и вештачката интелигенција ќе биде клучот за успех во иднина, а оние што ќе почнат да се подготвуваат за промените навреме, ќе имаат најголема корист од нив. Токму сега е моментот да се почне со учење и адаптирање на новите технологии за да се биде конкурентен на пазарот на трудот во иднината.
Водејќи се од ова гледиште, прашавме наши професионалци од различни сектори за тоа како ја користат користат вештачка интелигенција на дневно ниво, па добивме одговори дека покрај веќе стандардниот ЧетГПТ, во игра се и еден куп други ВИ-алатки.
Трошоците за плати го нагризуваат профитот на „Македонски телеком“
„Македонски телеком“, со раст од 1,4 отсто на приходите од продажба, не успева да го надомести растот на оперативните расходи, кој доаѓа од категоријата плати (за 16,7 отсто зголемување во однос на истиот период лани).
Крајниот резултат е колапс на профитабилноста мерена преку намалувањето на генерираната ЕБИТДА од 2,4 отсто, односно намалувањето на маржата ЕБИТДА за 1,4 процентни поени (на крајот на третиот квартал, маржата ЕБИТДА е на ниво на 42,5 проценти).
Зголемениот трошок на платите делумно се компензира со намалувањето на трошоците за суровини и материјали, поточно поткатегоријата трошоци за електрична енергија, кои се намалени за 32,2 отсто во однос на истиот период лани.
Инфлацијата во еврозоната забрза во октомври
Инфлацијата во еврозоната се зголеми повеќе од очекуваното, зајакнувајќи ги аргументите за постепено намалување на каматните стапки од страна на ЕЦБ.
Потрошувачките цени пораснаа за 2 отсто во октомври во споредба со претходната година, што е зголемување во однос на 1,7 отсто претходниот месец и надминување на процените на аналитичарите за зголемување од 1,9 отсто, соопшти „Евростат“ во четвртокот.
Овие бројки ќе ги поддржат оние официјални лица на ЕЦБ што предупредуваа против прекумерни намалувања на каматните стапки. Инвеститорите веќе ги намалија облозите за поголемо намалување на стапките до крајот на 2024 година, откако податоците за растот во средата покажаа дека блокот е на посилна основа, додека Германија избегна рецесија.
Во Шпанија политичка расправија за големиот број жртви од поплавите
Во Шпанија и натаму се одвиваат спасувачки акции за извлекување на жртвите заробени од катастрофалните бури што убија повеќе од 90 луѓе на истокот од земјата.
Иако метеоролошките служби во понеделникот ја известија јавноста дека големи бури веројатно ќе ја погодат Валенсија, генерално итно предупредување не беше испратено до вторникот вечер, кога бурите веќе беа во полн замав.
Политичарите почнаа да ја префрлаат вината за катастрофата. Во четвртокот Алберто Нунез Феихо, лидер на опозициската Народна партија, која управува со Валенсија, рече дека регионалната влада постапила врз основа на информациите што ги добила од националната метеоролошка агенција и од одделот што ги надгледува реките. И двете се потпираат на централната влада, која моментално е под социјалистичко раководство.
„Фолксваген“ се соочува со борба на повеќе фронта
Резултатите на „Фолксваген“ за третиот квартал годинава прикажуваат диптих од структурни (стратегиски) предизвици и релативно стабилна финансиска позиција. Структурните предизвици лежат во намалувањето на приходите, поради помалиот број на испорачани и продадени количества. Поточно, приходите на ниво на групацијата „Фолксваген“ во првите девет месеци од 2024 година се намалени за 2,8 отсто во споредба со истиот период минатата година, а продадените количества се намалени за 4,4 отсто.
„Фолксваген“ успеа некако да го надомести намалениот обем на продажба со повисоки цени на производите и со тоа да го забави падот на приходите. Сепак, профитабилноста доби силен удар и нето-добивката (добивката по оданочување) падна за 30,7 отсто во првите девет месеци од 2024 година. Трошоците за продадените производи на ниво на целата групација (COGS) покажаа нематеријален раст (0,02 проценти), фиксните трошоци исто така влијаеја на профитабилноста (признаени во рамките на оперативниот резултат).
