Српскиот бизнисмен Миодраг Костиќ (1959-2024) почина вчера по долго боледување. Во историјата на српскиот, но и на бизнисот во регионот, Костиќ останува запаметен како визионер, стратег и еден од најголемите стопанственици.
Од дете од работничко семејство до балкански милионер, Миодраг Костиќ беше посебен човек, со јасна визија, кој во нашиот регион остави силен деловен печат што трајно ќе остане присутен, велат во изјава за „Блумберг Адрија“ стопанствениците од регионот, кои се простуваат со својот колега.
Добро утро, ова се петте најважни вести денеска.
Ниту Илон Маск не би ја оправил македонската јавна администрација
Сигурно веќе ја прочитавте веста дека новиот американски претседател Доналд Трамп го назначи милијардерот и сопственик на „Тесла“, Илон Маск, за шеф на Министерството за ефикасност на владата, кое ќе почне да функционира откако Трамп и официјално ќе ја преземе функцијата во јануари 2025. Маск, заедно со претприемачот и исто така милијардер Вивек Равасвами, ќе имаат задача да „ја урнат владината бирократија, да ги укинат непотребните прописи, да ги намалат непотребните трошоци и да ги реструктурираат федералните агенции“, најави Трамп.
Тој порача дека Министерството за ефикасност на владата ќе биде партнер со Канцеларијата за управување и буџет на Белата куќа и ќе развие план за елиминирање „измами и неправилни плаќања“, спроведувајќи „целосна финансиска ревизија и ревизија на ефектите на федералната влада“.
Од што се плашат најголемите компании од Македонската берза?
Од вкупно 89 компании котирани на Македонската берза, во периодот јануари-септември годинава 68 работеле со добивка, а 21 прикажала загуба. Остварениот вкупен нето-финансиски резултат на компаниите во овој период изнесува 300,6 милиони евра, што е зголемување од 21,6 проценти во однос на истиот период минатата година, кога вкупната нето-добивка изнесувала 247,2 милиони евра.
Одлични резултати имаат и компаниите што се дел од МБИ10, со оглед на тоа што од вкупно десет компании, осум имаат зголемување на добивката во однос на претходната година, а исклучок се „Македонски телеком“ и „ТТК банка“, кои бележат мало намалување на добивката.
Цените на храната растат, Владата ќе помага на празници
Идната недела Министерството за економија ќе ја објави содржината на новогодишната кошничка, која ќе важи од средината на декември до средината на јануари следната година.
Во моментов се прават последните анализи околу тоа кои производи ќе влезат во неа, вели во разговор за „Блумберг Адрија“ заменик-министерот за економија Марјан Ристески. Според него, новогодишната кошничка ќе биде подобра од есенската. Пред сè, вели тој, таа ќе биде различна и многу повеќе насочена кон најранливите категории граѓани.
Законски измени: Владата влегува во битка со нелегалните онлајн коцкарници
Министерство за дигитална трансформација подготвува предлог-закон за измени и дополнување на Законот за електронски комуникации, кои имаат цел да ги спречат македонските граѓани да се коцкаат и да играат игри на среќа на интернет-платформи што оперираат од странство и не се регистрирани за оваа дејност во согласност со македонските закони.
Во нацрт-извештајот за процена на влијанието на новата регулатива се констатира дека бизнисот со игри на среќа е во подем во земјите на Западна Европа, како и дека во Македонија постоењето и масовното приклучување на нелегални интернет-платформи за приредување интернет (онлајн) игри на среќа е широко распространет феномен, кој резултира во сериозни негативни реперкусии по целото општество, а пред сè младите категории граѓани, кои се во интензивен психосоцијален развој.
Како руска армија на ботови го освои светот на онлајн покерот
Феруел е на самиот врв на покерската хиерархија. Овој професионален играч од Русија заработува на „ГГПокер“ (GGPoker), „Америкас кардрум“ (Americas Cardroom) и други сајтови, каде што го користи Дарт Вејдер како свој аватар.
Негов плен се искусни и помалку искусни играчи што имаат пари за губење. Феруел ги контролира своите емоции во текот на играта, но не избегнува да го искаже своето мислење на покер-форумите кога нешто не му се допаѓа.
.webp){kind=icon}