Метро во Солун-од едниот до другиот крај на градот ќе се стигнува за 17 минути

Метрото во Солун денеска е ставено во функција по близу 18 години од почетокот на изградбата, јави дописничката на МИА од Атина.

Главната линија на метрото е во должина од 9,6 километри со два независни еднонасочни тунели, има 13 модерни станици, ќе сообраќаат 18 најсовремени автоматски метроа без возач, но со придружник, максималниот капацитет е 18.000 патници на час во еден правец.

Процените се дека дневниот патнички сообраќај ќе биде околу 240.000 патници, но и дека на солунските улици секојдневно ќе сообраќајот 57.000 возила помалку.

Со метрото, за 17 минути ќе се стигнува од едниот на другиот крај на градот, билетот ќе чини 60 центи и ќе важи 70 минути.

Дополнително, на станиците ќе бидат вклучени и археолошките откритија пронајдени за време на изградбата, а се поставени на станицата „Венизелос“, на површина од 1.260 метри квадратни, со што, како што информираа од грчката Влада, ова е меѓународно најголемиот археолошки локалитет вклучен во голем технички проект.

Во ноември 2025 година ќе заврши продолжувањето на метрото до Каламарија, што на мрежата ќе додадат уште 4,8 километри железничка пруга и пет нови станици.

Во моментов нема коментари за веста. Биди прв да коментира...

Остави коментар