Светската политика деновиве ја обележуваат преговорите за постигнување мир во Украина и неизвесноста во однос на царините. Најбогатиот човек на светот го претстави својот нов модел со вештачка интелигенција, а акциите низ светот го започнаа денот со добивка.
ПОЛИТИКА
Почнуваат мировните преговори за Украина
Прочитај повеќе

Во Германија не цветаат рози, ама берзата урива историски рекорди
Во последната година, DAX доби повеќе од 32 проценти, што е дури и повеќе од S&P500.
15.02.2025

Вртоглави милијарди во вештачката интелигенција: Во кои акции вреди да се инвестира?
Технолошките гиганти годинава кумулативно ќе инвестираат 325 милијарди долари во развој на вештачка интелигенција, додека Европа ќе инвестира 200 милијарди долари.
13.02.2025

„Кока-Кола“ гледа спас и инвестира во млеко наместо во сокови, но Волстрит очекува повеќе
Кога влегувате во канцеларијата на „Кока-Кола“ во Чикаго го нема иконското лого на гигантот за безалкохолни пијалаци. На неговото место стои џиновско ѕвонче од крави.
10.02.2025

Дали размената на Лука Дончиќ е исто како предвремена продажба на акциите на „Енвидија“?
Договорот, кој беше финализиран во неделата и вклучува неколку други играчи, беше шок - не само за спортските новинари, туку и за Дончиќ, неговите нови соиграчи и неговиот поранешен тренер.
07.02.2025
Највисоките американски и руски претставници ќе се сретнат денеска во Саудиска Арабија за да разговараат за завршување на војната во Украина. Разговорите во Ријад доаѓаат по минатонеделниот телефонски разговор меѓу американскиот претседател Доналд Трамп и рускиот претседател Владимир Путин. Истовремено, украинскиот претседател Володимир Зеленски предупредува дека неговата земја нема да прифати никаков исход од преговорите без учество на Киев. На разговорите во Ријад американската делегација ја предводи американскиот државен секретар Марко Рубио, а руската делегација ја предводат министерот за надворешни работи Сергеј Лавров и помошникот на претседателот Јуриј Ушаков.
Макрон разговараше со Трамп
Францускиот претседател Емануел Макрон одржа одвоени разговори со американскиот претседател Трамп и со украинскиот претседател Зеленски за ситуацијата во Украина. Макрон претходно набрзина свика мини-самит во Париз со неколку европски лидери за да разговара за Украина, но и за зголемување на европските трошоци за одбрана.
Последици од царините на Трамп
Трговската несигурност околу планот на Трамп да воведе царини за Европската Унија (ЕУ) веќе почна да влијае на европскиот блок преку ограничување на нивото на инвестиции. Тоа го изјави еврокомесарот за економија Валдис Домбровскис. Истовремено, германскиот канцелар Олаф Шолц вели дека Европа е доволно силна да одговори на американските царини, иако тој повеќе би сакал да се постигне договор.
БИЗНИС
Маск го претстави Грок-3, новиот модел со ВИ
На корпоративен план, стартапот за вештачка интелигенција (ВИ) на Илон Маск - компанијата „Екс еј-ај“ (xAI) - го претстави ажурираниот модел со вештачка интелигенција Грок-3 (Grok-3), својот најнапреден четбот со вештачка интелигенција. Компанијата тврди дека е „најпаметната вештачка интелигенција во светот“ и дека, според сите стандарди на математиката, науката и кодирањето, Грок-3 ги надминува Џеминај (Gemini) на „Гугл“ (Google), моделот В3 (V3) на „Дипсик“ (DeepSeek) и ГПТ-40 (GPT-40) на „Опен еј-ај“ (OpenAI).
БЕРЗИ
Европа
Фјучерсите на европските акции утрово се тргуваат главно во зелено, во пресрет на објавата на најновите податоци за невработеноста во Велика Британија. За потсетување, европските акции вчера достигнаа рекордно ниво, поттикнати од растот на акциите на компаниите од секторот одбрана, бидејќи инвеститорите очекуваат зголемување на воените трошоци во регионот.
САД
И фјучерсите на американските индекси исто така се во зелено. Доларот зајакна во однос на главните светски валути, додека приносите на 10-годишните обврзници се зголемија за четири базични поени, на 4,5 отсто. Во исто време, гувернерот на Федералните резерви, Кристофер Валер, рече дека најновите економски податоци поддржуваат задржување на каматните стапки на сегашното ниво додека не се постигне поголем напредок во намалувањето на инфлацијата.
Азија
Кога станува збор за акциите во азиско-пацифичкиот регион, и тие исто така главно остваруваат добивки. Најмногу напредуваат индексите во Хонгконг, бидејќи средбата меѓу кинескиот претседател Шји Џјинпинг и деловните лидери ги зголеми шансите за обезбедување поголема поддршка на приватниот сектор. Во исто време, индексите во Австралија ги зголемија загубите откако централната банка ја намали референтната каматна стапка.