Во првите пет месеци годинава Управата за јавни приходи (УЈП) заплени движни предмети од 80 должници и хипотеки на недвижен имот од 48 должници, информираше директорката на УЈП, Елена Петрова, преку објава на социјалната мрежа Линкдин.
„Законот во примена: УЈП со конкретни мерки за присилна наплата на неплатените даночни обврски“, напиша Петрова, образложувајќи дека целта е да се заштити буџетот и да се обезбеди праведност за сите даночни обврзници, „Управата за јавни приходи спроведува конкретни мерки за присилна наплата за секоја неплатена даночна обврска. Од почетокот на 2025 година до крајот на мај, покрај 'блокирање' на трансакциски сметки во банките, преземени се и следните мерки: заложни права на движни предмети кај 80 должници, хипотеки на недвижен имот кај 48 должници, пет електронски аукции и комерцијални продажби на запленет движен имот и недвижности, како и заплени и продажби на хартии од вредност кај два должници“, информираше Петрова.
Прочитај повеќе
Над 38.000 блокирани сметки на фирми, ликвидноста на тест
Кога фирмата е блокирана, тоа практично значи колапс на работата, бидејќи во меѓувреме нема ниту набавки, ниту исплата на плати, ниту плаќање даноци, кирии и сметки.
04.06.2025
Кој ни наплаќа долгови, од каде му се нашите лични податоци и дали безбедно ги чува?
Чувањето на личните податоци од страна на институциите и компаниите е предизвик во дигиталната ера.
28.01.2025
Личен стечај - во светот е практика, кај нас засега невозможно
Од Министерството за економија велат дека при изработката на новиот закон за инсолвентност, кој се планира да биде донесен кон крајот на годинава, се разгледувала и можноста за воведување личен стечај.
19.05.2025
Од запленетите движни предмети во периодот од јануари до мај годинава УЈП одзеде 80 патнички моторни возила, 31 товарно возило, четири трактори, еден мопед, 31 машина, како и 100 апарати за игри на среќа.
Во делот на хипотеки на недвижен имот, УЈП делуваше кај 48 должници и тоа за вкупно 40 станбени објекти, 23 деловни простории, една куќа, 21 парцела, но и други недвижности.
Директорката на УЈП вели дека ваквите мерки покажуваат дека неплаќањето на данок не останува без последици и упати апел до должниците да ги регулираат неплатените обврски и да избегнат "забрани" и дополнителни трошоци.
Инаку, на најновата листа на должници за долгови доспеани до 28.02.2025 година, а неплатени до 31.05.2025 година, се најдоа 5.911 субјекти со вкупен нето долг за даноци и придонеси од скоро 11,7 милијарди денари (речиси 190,2 милиони евра). При тоа, од 5.778 должници кои се повторуваат од претходната листа, само 3,7 проценти имаат намален долг, додека кај останатите долгот е непроменет или зголемен.
Листата на должници може да ја најдете на овој линк.
.webp){kind=icon}
