Полска по втор пат неделава распореди авиони на воздухопловните сили, ги предупреди жителите и го затвори аеродромот во Лублин во близина на украинската граница поради беспилотни летала што летаат во воздушниот простор на својот сосед, соопшти нејзината Оперативна команда во објава на мрежата X.
Одделно, романски борбени авиони беа лансирани додека Русија ја нападна украинската територија во близина на заедничката граница на двете земји близу реката Дунав. Беше откриено беспилотно летало во воздушниот простор на Романија, соопшти тамошното Министерството за одбрана.
„Полските системи за воздушна одбрана беа ставени на модул највисока тревога среде заканата од руските беспилотни летала над Украина“, рече премиерот Доналд Туск во посебна објава, додавајќи дека акцијата била „превентивна“.
Прочитај повеќе
Трамп поддржува нови санкции, ама кога НАТО ќе престане да купува руска нафта
Американскиот претседател Доналд Трамп изјави дека е подготвен да воведе „големи“ санкции врз руската нафта доколку земјите од НАТО го сторат истото.
14.09.2025
САД предлагаат земјите од Г7 да воведат широки санкции кон Русија
Санкциите предвидуваат царини до 100 отсто за Кина и Индија
12.09.2025
Руските воени вежби ја зголемуваат вознемиреноста на НАТО по упадот со дронови во Полска
Русија и Белорусија се подготвуваат за воената вежба „Запад“, паралелно, НАТО одржува вежби во Европа
12.09.2025
Трамп се закани со нови царини кон Кина и Индија за притисок врз Русија
Трамп бара заеднички настап со ЕУ за зголемување на притисокот врз Русија и завршување на војната.
10.09.2025
Жителите на шест полски области во близина на украинската граница добија итни СМС известувања со предупредување за закана од воздух.
Противвоздушната одбрана на Украина вчера соопшти дека две руски беспилотни летала летале во западниот дел на земјата.
Украинскиот претседател Володимир Зеленски во објава на мрежата X вчера изјави дека не мисли дека летовите на беспилотните летала биле случајни, па го обнови својот повик до сојузниците на земјата да воведат дополнителни санкции врз Русија.
Полска стана многу повнимателна кон својата воздушна безбедност по невидениот упад на околу 20 руски беспилотни летала што се случи претходно оваа недела. Полските и сојузничките сили соборија најмалку три беспилотни летала за прв пат од целосната инвазија на Русија во Украина во 2022 година.
Како резултат на развојот на настаните, земјата треба да добие дополнителна поддршка за воздушна одбрана од сојузниците на Северноатлантскиот сојуз.
Државниот секретар на САД, Марко Рубио, во саботата изјави дека ќе бидат потребни неколку дена за да се утврди дали беспилотните летала биле намерно испратени во Полска.
„Прашањето е дали беспилотните летала биле насочени конкретно кон Полска“, им рече тој на новинарите додека заминуваше на патување во Израел. „Ако е тоа случај, ако доказите нè водат таму, тогаш очигледно тоа ќе биде голем ескалациски потег“.
.webp){kind=icon}
Во моментов нема коментари за веста. Биди прв да коментира...