САД предлагаат земјите од Г7 да воведат широки санкции кон Русија

САД ќе ги повикаат своите сојузници во Г-7 да воведат царини и до 100 отсто на Кина и Индија за нивните набавки на руска нафта, со цел да го убедат претседателот Владимир Путин да ја прекине војната во Украина.

САД исто така ќе побараат од земјите во Г-7 дека треба да создадат правен механизам за заплена на замрзнатите државни руски средства и да разгледаат можност за нивно користење или директна заплена за финансирање на одбраната на Украина, според американски предлог во кој имаше увид „Блумберг“. Огромен дел од околу 300 милијарди долари замрзнати средства на Москва се наоѓа во Европа.

Одделно, високи американски функционери разговарале со европските колеги за идејата постепено да се запленуваат замрзнатите средства на руската централна банка за да се зголеми притисокот врз Москва да влезе во преговори, според луѓе запознаени со прашањето кои побараа анонимност.

Канада, која ја има претседателската функција на Г-7, свика состанок на министрите за финансии во петокот за да „разговараат за понатамошни мерки за зголемување на притисокот врз Русија и ограничување на нејзината воена машинерија“, според соопштението.

Американскиот предлог предвидува секундарни царини од 50 до 10 отсто на Кина и Индија, како и рестриктивни трговски мерки и за увоз и за извоз, за да се намали протокот на руската енергија и да се спречи трансфер на технологии со двојна намена кон Русија, според документот.

Bloomberg

Портпаролот од Белата куќа веднаш не одговори на барањето за коментар за предлогот.

Претседателот Доналд Трамп им кажал на европските официјални лица дека е подготвен да воведе широки нови царини за Индија и Кина за да го натера Путин да седне на преговарачка маса со Украина — но само ако тоа го сторат и европските земји.

Трамп го побарал тоа на состанок со високи американски и европски функционери во Вашингтон оваа недела, велејќи дека САД ќе бидат подготвени да ги копираат царините што би ги вовела Европа кон двете земји, објави „Блумберг“.

Предлогот претставува предизвик бидејќи неколку земји од ЕУ, вклучително и Унгарија, блокираа построги санкции насочени кон енергетскиот сектор на Русија. Таквите мерки би барале поддршка од сите земји-членки.

Сугестијата на Трамп доаѓа по истекот на рокот кој му го даде на Путин да одржи билатерална средба со украинскиот претседател Володимир Зеленски, без знаци дека рускиот лидер е навистина заинтересиран за директни мировни разговори. Наместо тоа, Москва ја засили својата кампања за бомбардирање на Украина.

Во моментов нема коментари за веста. Биди прв да коментира...

Остави коментар