Најголемиот светски авто-саем е во тек во Пекинг, каде во фокусот се бројни нови и атрактивни модели. Вештачката интелигенција и другите напредни технологии доминираат како клучен тренд, додека Кина дополнително ја зацврстува својата предност во автомобилската индустрија во однос на остатокот од светот. И додека многу од овие „компјутери на тркала“ наскоро ќе се најдат на улиците на Пекинг и Шангај, едно место каде што нема да ги има се САД, кои ја блокираа продажбата на кинески автомобили.
Кинескиот гигант „БЈД“ (BYD Co.) очекувано доминира, додека „Гили“ зазеде повеќе од половина хала во огромниот изложбен центар во Пекинг, проектиран од тимот на „Заха Хадид“ (Zaha Hadid Architects). Производителите на паметни телефони „Шаоми“ (Xiaomi Corp.) и „Хуавеј“ (Huawei Technologies Co.) покажаа дека повеќе не се само технолошки компании. Европските производители исто така беа присутни, претставувајќи верзии на своите возила прилагодени за кинескиот пазар — модели што не можат да се видат во западните технолошки центри.
„Шаоми вижн гран туризмо“ (Xiaomi Vision Gran Turismo).
Qilai Shen/Bloomberg
Целосно електричен хиперавтомобил развиен за играта „Гран Туризмо 7“. Аеродинамичниот дизајн во форма на солза го намалува отпорот на воздухот, додека внатрешноста нуди кокпит налик на капсула со Икс-волан и steer-by-wire технологија. По успехот на моделот „СУ7“, „Шаоми“ со овој концепт ги покажува амбициите во врвниот инженеринг.
Qilai Shen/Bloomberg
„Денза З“ кабриолет (Denza Z Convertible)
Qilai Shen/Bloomberg
Луксузниот бренд „Денза“ на компанијата „БЈД“ (BYD) претстави хиперавтомобил со 1.000 коњски сили, забрзување до 100 км/ч за околу две секунди и моќни ВИ системи — директен конкурент на спортски модели како „Порше 718“ (Porsche 718).
„БЈД Грејт Тенг“ (BYD Great Tang)
Qilai Shen/Bloomberg
Редизајнираниот СУВ со три реда седишта носи нови блејд батерии со досег близу 1.000 километри и напреден ВИ кокпит. Се очекува почетната цена да биде околу 250.000 јуани, односно околу 15.000 евра.
Qilai Shen/Bloomberg
„Јангванг У9 Екстрим“ „Брејкинг дон“ едишн (Yangwang U9 Xtreme "Breaking Dawn" Edition)
Qilai Shen/Bloomberg
Премиум брендот „Јангванг“ претстави екстремна верзија со четири електромотори и потенцијална максимална брзина од речиси 500 км/ч. Производството ќе биде ограничено.
„Гили Галакси Лајт“ (Geely Galaxy Light)
Qilai Shen/Bloomberg
Втората генерација на луксузната лимузина носи футуристички светла, врати што се отвораат како двокрилни врати и холографски контроли. Ја придвижува хибриден систем со потрошувачка од само 2,2 литри на 100 километри.
Ауди Е7Х (AUDI E7X)
Qilai Shen/Bloomberg
Новиот модел од посебната кинеска линија на брендот „Ауди“ (Audi) пристигнува како голем електричен СУВ со екран од 59 инчи, 26 звучници и ВИ асистент развиен со компанијата „Бајтденс“ (ByteDance Ltd.). Овој модел е дел од стратегијата „Во Кина, за Кина“.
„Хјундаи Јоник Венус“ (Hyundai Ioniq Venus)
Qilai Shen/Bloomberg
Лимузина со стаклен покрив, проѕирен спојлер и златен финиш. Ентериерот е насочен кон возачот, со софистицирано осветлување и материјали.
Hyundai Ioniq Earth
Qilai Shen/Bloomberg
СУВ- концепт дизајниран како робусно семејно возило, со футуристички дизајн и ентериер што имитира природно опкружување.
„Фанг Ченг Бао Формула Икс“ концепт Fang Cheng Bao Formula X Concept
Qilai Shen/Bloomberg
Спортски модел со 1.000 коњски сили и троен електромотор, планиран за производство во 2027 година.
„Ексид Икс“ Exeed X-Concept
Qilai Shen/Bloomberg
Автономно луксузно возило за тројца патници кое го префрла фокусот од возачот кон патниците на задните седишта.
„Баик Космос Кабин Икс„ (BAIC Kosmos Cabin X)
Qilai Shen/Bloomberg
.webp){kind=icon}
