.webp){kind=icon}
„Порше“ (Porsche AG) можеби крои нова иднина откако ја достигна најголемата почетна берзанска котација во Европа во повеќе од една деценија, но производителот на спортски автомобили вети дека едно нешто нема да се менува: 911-ката и натаму ќе работи на бензин.
Запрашан дали Porsche ќе го електрифицира култниот модел претставен во 1964 година, главниот финансиски директор Луц Мешке рече дека иако компанијата може флексибилно да реагира на новата регулатива, не сака да го промени 911.
„Тоа е јадрото, срцето и душата на нашата компанија“, рече Мешке во интервју со Том Мекензи од телевизијата Bloomberg. „Сакаме 911 да се вози што е можно подолго со мотор со внатрешно согорување“, додаде тој.
Акциите на Porsche дебитираа во четвртокот во Франкфурт, собирајќи 9,4 милијарди евра за матичната компанија „Фолксваген“ (Volkswagen AG), со навестување дека култниот модел е тука да остане откако производителот го избра P911 како своја ознака.
Иако електричниот Taycan минатата година го надмина 911, автомобилот со бензински мотор останува најпрофитабилниот модел на Porsche. Bloomberg Intelligence проценува дека 911 сочинува речиси 30 отсто од заработката на компанијата на само 14 проценти од продадените единци. 911 има почетна цена од 113.492 евра во Германија.
„Можеме да живееме многу добро“ со 911 како автомобил со мотор со внатрешно согорување, рече Мешке. „Тој е многу успешен“.
