.webp){kind=icon}
Интеграцијата на традиционалните елементи во високата мода може да ја зголеми побарувачката за автентични ракотворби и традиционални занаети и е изобилно застапена во модата.
Колекциите на најпознатите модни куќи се познати по нивната автентична интерпретација на етничките елементи во нивните високи модни креации: „Дрис ван Нотен“, „Валентино“, „Диор“ со модната ревија минатата година во Индија, но и со долгогодишната соработка со работилниците Чанакја, „Долче и Габана“ во својата ода на италијанското културно наследство, со посебен со акцент на Сицилија, но и минатогодишната колекција што беше инспирирана од Арабија, Изабел Марант, да наведеме неколку примери.
Гога Грубјешиќ, авторка и организаторка на „Етнолоџи фест“ (Ethnology Fest), е решена овде да најде инспирација за етномода. „Земјите од регионот Адрија се богата ризница на нематеријално културно наследство и имаат многу причини да се поврзат и да му ја покажат на светот нераскинливата врска помеѓу она што некогаш бевме и она што сме денес“, смета Грубјешиќ, која има долгогодишно работно искуство во организацијата на овој настан за презентација и промоција на нематеријалното културно наследство, како и на современите уметници што се инспирирани од културното наследство и традиција во нашиот регион и пошироко.
Грубјешиќ во приложеното видео посочува дека фестивалот е особено значаен и признаен од младите, бидејќи различните форми: модни ревии, изложби, музички и сценски изведби, документарни филмови, како и семинари, работилници и предавања, се визуелно и содржински привлечни за социјалните мрежи. „Така, Новак Ѓоковиќ на пример објави слика на социјалните мрежи како плете во знак на поддршка“, потсетува Грубјешиќ.
А на модната писта за време на фестивалот, покрај етничките традиции од регионот Адрија, низ годините беа претставени креации инспирирани од етничкото наследство од Романија, Грузија, Мароко, Египет, а на програмата на годинашниот „Етнолоџи фест“, кој ќе се одржи од 10 до 12 октомври во Етнографскиот музеј во Белград, земја во фокус ќе биде Турција.
„’Етнолоџи фест’ е вистински пример за културна дипломатија“, смета Грубјешиќ, бидејќи, како што вели, културната и креативна размена се одвива во повеќе правци, па неодамна српскиот културен центар „Иво Андриќ“ во Пекинг се претстави со изложба на фотографии и видеоматеријал „Етномода Србија“ кој, покрај Грубјешиќ, како авторка, го потпишуваат и фотографот Небојша Бабиќ и режисерот Мишко Неќак.
