Ферари тркачки автомобил (Ferrari 330 LM / 250 GTO) од 1962 година од „Скајлети“ (Scaglietti), произведен од бараниот италијански производител на кочии, продаден е за 51,7 милиони долари на аукцијата на „РМ Сотби“ (RM Sotheby's) на 13 ноември во Њујорк. Тоа е најскапото Ферари некогаш продадено на аукција и најскапиот класичен автомобил продаден јавно каде било во светот оваа година.
Пред да го продаде, Џим Јегер, истакнат колекционер од Охајо и соосновач на компанијата која продолжи да го произведува радарот Ескорт, го поседуваше автомобилот речиси четири децении. Портпаролот на „РМ Сотби“ не сакаше да го открие идентитетот на новиот сопственик.
Конечната цена беше 47 милиони долари, а купувачот има и дополнителни трошоци од 10 отсто што ја зголемува вкупната цена на 51,7 милиони долари. Сепак, и покрај рекордот, крајната продажна цена беше пониска од очекуваното. Неколку дена пред продажбата, „РМ Сотби“ ја процени вредноста на возилото на „над“ 60 милиони долари.
Прочитај повеќе
„Ферари“ почнува да зема криптовалути за купување на автомобили
Извршниот директор не прецизираше колку автомобили Ферари очекува да продаде преку крипто
15.10.2023
Бавно возење на аукциите во Монтереј, и покрај милионските „ферарија“
На крајот на викендот вкупната продажба на петте аукциски куќи достигна нешто повеќе од 400 милиони долари.
03.09.2023
Колекција од хаварисани „ферарија“ може да достигне цена од 20 милиони долари
Запуштените автомобили скриени во гаража со децении конечно стапуваат на сцена.
12.08.2023
Луксузот не знае за инфлација: Вредноста на „Ферари“ надмина 50 милијарди долари
„Ферари“ доби 34 отсто оваа година, со што неговите акции се со најдобри перформанси меѓу европските производители на автомобили.
10.05.2023
„Тесла“ веќе не е омилен автопроизводител на „Морган Стенли“
„Тесла“ веќе не е омилениот производител на автомобили што котира на американските берзи, барем не кога за тоа се прашува Адам Џонас.
07.03.2023
Не сме за жалење: Кои се најскапите автомобили што ги возат Македонците?
„Бентли“ од 300.000 евра, „порше“ од 260.000 и „ламборџини“ од 240.000 евра се најскапите автомобили во земјава.
10.02.2023
„Ферари“ ќе им исплати бонуси од 13.500 евра на вработените
Италијанскиот производител ја зголеми својата перспектива за 2023 година во услови на голема побарувачка за нови модели
02.02.2023
„Неговото место во историјата е неспорно“, рече Оливер Баркер, претседател на Сотби Европа, на почетокот на аукцијата.
Автомобилот е продаден за помалку од 20 минути, почнувајќи од првичната цена од 34 милиони долари. Наддавањето остана конзистентно меѓу претежно телефонските понудувачи и заврши во последните моменти додека двајца понудувачи се колебаа околу 47 милиони долари. Како што е потврдено, и автомобилот и победникот на лицитацијата биле физички присутни при продажбата.
Тркачкиот автомобил V-12 е на првото место меѓу најскапите продадени автомобили оваа година. Претходниот рекорд беше поставен од Ферари 412П Берлинета (Ferrari 412P Berlinetta) од 1967 година, кој беше продаден за 30,2 милиони долари на 17 август.
Ова беше успешна година за Ферари - вкупно, 12 од 15-те најскапи автомобили продадени на аукција оваа година ја носеа познатата ознака „коњ во скок“, покажуваат податоците собрани од класик.ком, веб-локација која продава колекционерски автомобили и ги следи нивните вредности.
Цената не е приближна до сумата по која во историјата е продаден на аукција некој автомобил а тоа е Мерцедес бенз (Mercedes-Benz 300 SLR Uhlenhaut Coupe) од 1955 година кој достигна 142 милиони долари во 2022 година. Овој тркачки автомобил ја одразува силата и стабилноста на врвниот пазар на Ферари дури и за време на неизвесни економски услови. Меѓу другите скапо платени автомобили во 2023 година се и Ферари Калифорнија спајдер (Ferrari 250 GT SWB California Spider) од 1962 година, кој беше продаден за околу 18 милиони долари на аукција на Гудинг и Ко. на 2 март и Ферари 250 ЛМ од 1964 година, продадено за 15,7 милиони евра на аукцијата Арткјуриал на 5 јули.
Претходно, најскапото Ферари некогаш јавно продадено беше од типот ГТО (250 GTO) од 1962 година, кој достигна цена од 48,4 милиони долари на аукција на „РМ Сотби“ во 2018 година, потврди портпаролот на „РМ Сотби“. Автомобилот, кој има силна тркачка историја, се смета за еден од најавтентичните и најоригиналните примероци на ГТО, се вели во тогашниот каталог на „РМ Сотби“.
Сепак, фактот што овој, со шасија 3765 беше фабрички влез на Ферари на трката 24 часа Ле Ман во 1962 година, заедно со победата во класата на трката Нирбургринг 1.000 километри и повеќе трки од страна на Скудерија како деловен автомобил, ја прави многу уникатна, рече портпаролот. Според некои извештаи, приватната продажба на Ферари вклучува цени и до 70 милиони долари.
Од друга страна, пазарот за колекционерски автомобили е заладен. Заклучно со 3 ноември, вкупната продажба на класични автомобили за годината е намалена за 23,4 отсто на годишно ниво, од 321,4 милиони долари во 2022 година на 245,9 милиони долари оваа година, според класик.ком. Годишните аукции во текот на „Монтреј неделата на автомобили“ кои се сметаат за показател за пазарната вредност, достигнаа нешто повеќе од 400 милиони долари на пет аукциски куќи, што е помалку од 473 милиони долари минатата година.
.webp){kind=icon}
