Каков часовник да изберете за секој тип костум? Осум комбинации што ќе ги обожавате

Главното правило за часовник што се носи со костум е дека мора да го собира под ракавот, но и да не ја намалува сериозноста на вашата облека. Тоа, сепак, не значи дека не смее да привлекува внимание. Споивме осум часовници со различни типови костуми што заедно ќе остават извонреден впечаток, без разлика дали сте на работа, на свадба или на разговор за работа.

За смокинг: МБ&Ф М.А.Д.2 Р&Б

Смокинг „твил о'конор“ на „Том Форд“, часовник М.А.Д.2 Р&Б/Извори: Tom Ford, MB&F

Ако носите класичен смокинг од бренд како Том Форд, обидете се со нешто едноставно, но впечатливо на вашиот зглоб. Линијата М.А.Д.2 ја создаде авангардниот независен производител на часовници МБ&Ф, а ја дизајнираше Ерик Жиру во чест на клупската култура од 1990-тите, со нејзините винилни плочи и диџејски грамофони. Роторот со светли кружни точки по должината на работ се движи додека се движите, давајќи му на часовникот со пречник од 42 милиметри чувство на непрекината енергија. Црвените дискови за минутите и приказот на часовите со скокачки механизам потсетуваат на средината на грамофонска плоча и ќе бидат совршен, хипнотизирачки додаток на вашите беспрекорни француски манжетни.

Околу 1.500 примероци од овој часовник беа понудени преку лотарија претходно годинава, па ќе мора да го побарате на секундарниот пазар, како овој примерок во „Јуропиан воч компани“ за 7.000 долари.

 

Тесно кроен костум: „вашерон константин оверсис 34.5“

Костум „кначбул“ од свила и памук, „вашерон константин оверсис 34.5“/Извори:Knatchbull, Vacheron Constantin

Летово „Вашерон“ претстави две верзии на својот класичен модел „оверсис селф-вајндинг“ (59.500 долари) во помала големина, наменети за женската клиентела. Секој доаѓа со три опции за алка или ремче: алка инспирирана од малтешкиот крст, текстурирано гумено ремче и ремче од алигаторска кожа.

Овој особено ми се допаѓа во 18-каратно розово злато, со лакиран бројчаник во златен тон. Со 34,5 милиметри не е баш доволно мал за да биде „бабин часовник“, но не е ниту доволно голем за сето тоа злато да стане премногу впечатливо. Спојте го со тесно кроен костум од „Кначбул“, единствениот кројачки салон на Севил Роу наменет исклучиво за жени.

Лежерен костум: „хермес кејп код“

Комплет „стофа“ под лесен капут, „хермес кејп код“ голем модел, со куќиште со дијагонален пречник од 37 милиметри/Извори: Stoffa, Hermes

Во „Стофа“, во њујоршкиот кварт Сохо, специјалност се усогласените горни и долни парчиња кои се толку неструктурирани што брендот не ги нарекува костуми туку „комплети“. (И натаму се костуми.) Немаат перничиња на рамениците ниту крута внатрешна конструкција каква што имаат повеќето традиционално кроени костуми, туку паѓаат по телото речиси како наметка. Се обидував да смислам машки часовник што совршено би го надополнил тој изглед и не успеав. Затоа, она што го најдов технички е женски часовник, бидејќи она што навистина му е потребно на овој изглед е кожено ремче што се обвиткува двапати, што исто така претставува кршење на правилата. Мојот предлог е големиот „хермес кејп код“ (3.950 долари) со ремче од телешка кожа со контрастни штепови.

За класичен костум: „ролекс дејтџаст“ во смела боја

Костум „1818 сак“ од „Брукс брадерс“, „ролекс дејтџаст“ со впечатлив зелен лакиран бројчаник, претставен годинава/Извори:Brooks Brothers, Rolex

Постои еден часовник од годинашниот саем „Вочес енд вондерс“ во април за кој не можам да престанам да размислувам, а тоа е „ролекс“. Што е невообичаено за мене. Но нешто во врска со темнозелениот омбре лакиран бројчаник на новиот модел „дејтџаст“ од 41 милиметар (11.850 долари) едноставно е толку поинакво, толку раскошно дури и за бренд чиј заштитен знак е смарагднозелената боја.

Не е нападен, но оние што се разбираат ќе го препознаат како еден од часовниците до кои во моментов најтешко се доаѓа во бутиците. Би го споил со едноставен, но елегантен комплет како „брукс брадерс 1818“.

За италијански двореден костум: „пастелен пармиџани“

Костум „брунело кучинели“ со дворедно закопчување, „пармиџани флерје тонда ПФ скелетон“/Извори: Brunello Cucinelli, Parmigiani Fleurier

Кога претходно годинава на Пити Уомо се сретнав со Брунело Кучинели, тој ми го покажа својот „вашерон константин“. Но, кога би купувал еден од неговите исклучително меки дворедни костуми во раскошна боја, како бојата на брусница (а да бидам јасен, не го купувам - прескапи се), би го споил со нежните тонови на восхитувачкиот „тонда ПФ скелетон“ од „Пармиџани Флерје“ (кој, со цена од 65.000 швајцарски франци, односно околу 69.000 евра, исто така не можам да си го дозволам).

За силен впечаток во канцеларијата: „униматик“ во светлосина боја

Костум „суитсаплај“ и часовник „униматик модело уно продајвер“/Извори: Suitsupply, Unimatic

Има нешто многу чисто и едноставно во изгледот што го нуди „Суиттсаплај“. Љубезниот персонал во продавницата ненаметливо ги насочува сите кон истите кроеви, големини и ширини на реверите. Едноставно е, а повеќето мажи изгледаат одлично во нив.

За да се издвоите од толпата, предлагам часовник што исто така е чист и едноставен - но невозможно е да остане незабележан. Ограниченото издание „ниматик модело уно У1С-ПД6-РБ продајвер“ од 41,5 милиметри (1.820 долари) има електрично син бројчаник, керамички прстен околу бројчаникот и ремче. Наменет е да се носи преку ракавот на нуркачки костум, но ќе изгледа еднакво добро кога ќе ѕирка под ракавот на вашиот канцелариски костум.

Со мал црн костум - мал челичен часовник

Костум од брендот „Реис“ и часовник „шопар алпин игл 33“ со дијаманти/Извори: Reiss, Chopard

Ако брзате во канцеларија во вашиот елегантен костум и високи потпетици, нема да сакате часовник со премногу детали. Но сакате малку да се забавувате, нели? Линијата „алпин игл“ на „Шопар“ е привлечна и за мажите и за жените, а автоматската верзија од 33 милиметри од лусент челик со дијаманти (17.400 долари) има токму доволно сјај за да привлече внимание.

За минималистички, строго кроен костум: „картие танк“

Костум „том браун 5-бар“ и часовник „танк маст“ на Картие во бордо боја, кој повеќе не се произведува (можеби?)/Извори: Thom Browne, Cartier

Под мојот ракав

Минатиот месец бев на шоуто за накит - Хемптонс и, меѓу сето тоа злато и скапоцени камења, нешто малку посуптилно ми го привлече вниманието од другата страна на патеката. Тоа беше „ролекс“ со меко ремче од превртена кожа во нежна бебешка сина боја, а му припаѓаше на Аш Бардија од „Џуeлри Пај“.

Винтиџ „дејтџаст“ со сино ремче од превртена кожа, кој всушност му припаѓа на јувелирот Аш Бардија, сопственик на брендот за накит „Џуeлри Пај“/Chris Rovzar/Bloomberg

„Го наследив од вујко ми“, ми рече Бардија за својот модел „дејтџаст“ од 1984 година. „Го носеше секој ден, до таа мера што, кога го добив, ремчето беше толку износено што веќе не вредеше да се носи.“

Бардија еден ден разгледувал на Пинтерест и видел некого со „ролекс“ со ремче од кожа во бебешка сина боја. „Помислив, тоа е навистина добра опција. Само отидов на Амазон, пребарав и најдов цел куп различни бои, па можам да го менувам во согласност со облеката“, рече тој. „Тоа стана толку достапно, а целосно го преобрази стариот часовник што го наследив.“

„Од сè што имам“, продолжи тој, покажувајќи кон накитот што го изработуваат тој и неговото семејство, „ова е парчето поради кое сите ми приоѓаат и ми велат: ‘Раскажи ми за него’“.