text size
„Одмаздничкиот фустан“ кој трагично загинатата принцеза Дијана го носела во 1994 година, ќе биде понуден на аукција на „Сотбис“ (Sotheby’s) по речиси три децении.
Црниот свилен вечерен фустан на грчката дизајнерка Кристина Стамболијан е проценет на дури 220.000 фунти (256.000 евра), соопшти аукциската куќа. Продажбата ќе се одржи на 9 декември во Њујорк, во рамките на „Неделата на луксузот“ на „Сотбис“.
Дел од колекцијата фустани на Дијана се наоѓа во Кенсингтонската палата во Лондон, нејзиниот некогашен дом, каде што своевремено беше поставена изложба на која јавноста можеше да види некои од нејзините најпознати модни изданија/Bloomberg
Дијана го носела фустанот во јуни 1994 година, на добротворна вечер во галеријата „Серпентајн“ (Serpentine) во Лондон. Фустанот привлече големо внимание бидејќи се очекуваше тогашниот принц Чарлс - од кого во тој момент живеела разделено речиси две години, но сè уште не биле разведени - истата вечер, во телевизиско интервју емитувано низ целата земја, да признае дека ѝ бил неверен.
Прочитај повеќе
Нова книга за принцезата Дијана: Колку лица се кријат зад митот што го создадоа медиумите?
Принцезата Дијана беше светица, бунтовничка, модна икона и „народна принцеза“ - во зависност од тоа кој наслов на весник сте го читале. Новата книга се навраќа зад овие етикети и открива како британските медиуми ја граделе, уривале и на крајот речиси ја канонизирале една од најпознатите жени на 20 век
06.09.2026
Кралот Чарлс го уништи својот брат поради Епстајн, Америка се двоуми
Роден во незамислив луксуз и облеан со почести, човекот кој некогаш беше познат како Неговото Кралско Височество Принц Ендру, Војводата од Јорк, отсега ќе биде нарекуван едноставно господин Маунтбатен Виндзор
02.11.2025
Според документарен филм снимен подоцна, одлуката да го облече токму тој фустан била донесена во последен момент, откако првично избрала потрадиционална креација на модната куќа „Валентино“ (Valentino). „Сакаше да изгледа како милион долари“, ја пренесе „Вог“ (Vogue) изјавата на нејзината поранешна стилистка Ана Харви. „И успеа.“
Црниот фустан со откриени раменици има асиметричен долен раб и долг заден дел од лесна, проѕирна ткаенина.. На јавноста ќе ѝ биде претставен во „Сотбис“ во Лондон за време на Неделата на модата овој месец, по што ќе биде изложен во Хонгконг и Женева, пред да биде испратен во Њујорк на аукција.
Фустанот претходно бил продаден на аукција во 1997 година, наведува „Сотбис“, без дополнителни детали за таа продажба.
Во 2023 година, друг црн кадифен фустан на Дијана со сини ѕвезди беше продаден на аукција на куќата „Џулиенс“ (Julien’s Auctions) во Холивуд за 1.148.080 долари, што е дури единаесет пати повеќе од првичната процена.
.webp){kind=icon}
