Тесните фармерки сè уште се живи и здрави.
Чип Берг, извршен директор на „Леви Штраус“ (Levi Strauss & Co.), во средата посочи дека женските тесни фармерки - особено моделите 311 и 721 - сè уште се најпродавани.
„Тесните фармерки никогаш нема да умрат“, порача тој во извештајот за заработката на компанијата за четвртиот квартал. „Половина од нашите приходи од долни делови минатиот квартал доаѓаат од полабавиот, поширок крој, но нашите два најпопуларни женски модела се 311 и 721. Така што, тесните фармерки не одат никаде во скоро време“.
Стилот што се базира на тексасот се најде во центарот на жестока дебата за тоа дали тесните фармерки сè уште се во мода. Минатата година во текст на „Кварц“ (Quartz) беше наведено дека „тесните фармерки се официјално мртви“, а за нивниот пад е виновна генерацијата зед (Z), која фаворизира порелаксирани стилови на облека.
Некои индустриски аналитичари предвидуваат пад на побарувачката за тексас, особено кај помладите купувачи. Но „Левис“ објави заработка подобра од очекуваната, што укажува на тоа дека тие стравови можеби и се претерани.
Додека тесните модели и натаму се присутни, „Левис“ сведочи за промена на уште еден тренд - носење облека со висок струк. Берг изјави дека во последните месеци побарувачката се префрлила кон фармерки со малку понизок струк.
„Растот сега слабее“, нагласи тој. „Уште не сме на нивото каде што голема е желбата да дојдат до израз колковите, но фармерките со средна висина се најбарани во моментов и мислам дека ќе продолжиме да гледаме преместување на трендот од високо кон средно, а можеби дури и од средно кон ниско“.
.webp){kind=icon}
