.webp){kind=icon}
Нова куќа во Хонгконг е продадена за 111 милиони долари, што е највисока цена оваа година.
Изведувачите Emperor International Holdings, C C Land Holdings, Mingfa Group International и CSI Properties ја продадоа куќата со шест спални соби во новиот проект бр. 15 Шусон во Шусон Хил преку тендер во неделата, се вели во заедничко соопштение на компаниите, кои не го идентификуваа купувачот.
Куќата која се простира на 746 квадратни метри има сопствена градина, базен и паркинг. Лоциран на јужната страна на островот Хонгконг, Шусон Хил е една од најексклузивните населби во градот каде имот поседуваат некои од најбогатите тајкуни.
„Цената ја навестува најскапата трансакција за куќа во Хонгконг за оваа година“, вели Луис Хо, главен директор за продажба Centaline Property Agency.
Социјалното дистанцирање воведено за време на пандемијата на Ковид-19 и недостатокот на капитал во Кина го попречија пазарот, објасни Хо во изјавата.
Во меѓувреме, глобалната побарувачка за луксузни недвижности останува висока, иако растечките каматни стапки ги оптоваруваат пошироките пазари за домување. Претходно овој месец, милијардерот Лари Елисон купи имот на океанот во округот Палм Бич вреден 173 милиони долари, поставувајќи рекорд за најскапа продажба на дом во Флорида.
