.webp){kind=icon}
„Прада“ го проширува своето присуство во Њујорк со аквизиција на две згради на Петтата авенија во Њујорк.
Организација поврзана со семејството Прада е купувач на зградата на адресата Петта авенија 720, за околу 410 милиони долари, соопштија извори запознаени со ситуацијата. Италијанскиот моден бренд пред неколку недели најави купување на зградата на Петта авенија 724, за 425 милиони долари, објект што се наоѓа веднаш до продавницата на овој бренд во Њујорк. Во тоа соопштение не се споменуваше зградата на бројот 720.
Вкупната вредност од 835 милиони долари ја прави оваа купопродажба на недвижен имот во Њујорк една од најголемите годинава.
Bloomberg Mercury
Портпаролот на „Прада“ не одговори веднаш на барањето за коментар. Претставник на продавачот, организација во сопственост на инвеститорот Џеф Сатон, одби да коментира.
Аквизициите на недвижен имот годинава претрпеа удар бидејќи паѓаше вредноста, а се зголемија трошоците за задолжување. Сепак, некои компании, вклучувајќи го и производителот на автомобили „Хјундаи“ (Hyundai Motor Group), се обврзаа да се прошират во Њујорк со целосен откуп на своите имоти.
Приходите од малопродажбата во САД остануваат силни во услови на глобално забавување на побарувачката за луксуз. Во своето соопштение неделава, „Прада“ објави дека зградата во која се наоѓа нејзината продавница на Петтата авенија обезбедува висока стратегиска вредност по порастот на станбени, угостителски и малопродажни инвестиции во тој регион. Според најавата, тие ќе продолжат да го користат просторот во тој објект за своја продавница, канцеларии и магацин.
Bloomberg Mercury
Вил Силверман, директор на „Истдил секјурд“ (Eastdil Secured), кој посредуваше во договорот, одби да го коментира купувањето на објектот на бројот 720.
„Глобалната конкуренција за најпрестижните луксузни локации го зафати Њујорк“, изјави Силверман. „Има повеќе глобални луксузни брендови отколку што има останато премиум позиции на Петтата авенија“.
