Популарноста на филмот „Топ ган: Маверик“ оди подалеку од приходите на благајните. Филмот, кој заработи повеќе од милијарда долари, исто така помага да се зголеми продажбата на авијатичарските очила за сонце, како на Том Круз, во Велика Британија. Тоа е повторување на сценариото што следеше по објавувањето на оригиналниот „Топ ган“ во 1986, кое ја зголеми продажбата на очилата за сонце од „рејбан“ (Ray-Ban).
Портпаролот на „Дејвид Клулоу“ (David Clulow), еден од најголемите продавачи на очила за сонце во Обединтетото Кралство, вели дека класичните RB3025 Aviator - Top Gun се едни од најпродаваните очила за сонце ова лето, по цена од 184 фунти (218 долари), заедно со паметните очила „рејбан вејфарер“ (Ray-Ban Wayfarer) од 329 фунти.
Bloomberg
Помалите брендови за очила за сонце, исто така, забележуваат зголемена побарувачка од клиентите од т.н. генерација З, фокусирани на модата, а кои сакаат изглед како од 2000-тите инспириран од Ким Кардашијан, која се навраќа на модата од почетокот на векот.
Најпопуларните дизајни во Обединетото Кралство се рамки со кружен облик кои добро функционираат за секој пол, форма на лице или стил.
Кај David Clulow, кружните очила во стилот на Грегори Пек од производителот „Оливер пиплс“ (Oliver People) по цена од 287 фунти се најдоа на листата на бестселери, исто како и „Јастребово око“ (Hawkeye) од 147 фунти, нов дизајн со заоблени рабови.
Bloomberg
Во „Монк“ (MONC) на улицата Чилтерн во Лондон, основачот Фреди Елборн вели дека бестселер на продавницата се „калијо“ (Kallio), унисекс очила со тркалезна рамка која изгледа дека одговара на речиси секого.
Бети Бахз, основачка и креативен директор на независниот бренд за очила MOY Atelier, исто така забележува зголемена популарност за заоблените форми. Нејзиниот најпродаван модел е „oзирис“ (Osiris), очила со овална форма од средна до мала големина од 195 фунти, наменета за модерните купувачи во Лондон.
Bloomberg
Таа смета дека популарноста е поттикната од изгледот инспириран од 2000-тите што го носат Кардашијан и Бела Хадид.
„Сè што е во мода сега е многу Y2K стил. Тоа е случај и за очилата. Луѓето сакаат сајберпанк изглед како од 'матрикс' и спортски изглед. Генерацијата З носи велосипедски очила од Balenciaga и Oakley. Сè е во знакот на Берд Пит и Гвинет Палтроу околу 90-тите“, вели Бахз.
.webp){kind=icon}
