Продажбата на „Хермес“ е зголемена за 17 отсто, на 3,8 милиони евра, во првиот квартал од годинава, објави компанијата во четвртокот на својата официјална веб-страница.
Тоа е повеќе одошто се очекуваше, со оглед на општиот тренд на забавување на пазарот на луксуз и значително послабите резултати на неговите главни ривали. ЛВМХ забележа раст од само три проценти во првиот квартал, додека продажбата на „Керинг“ падна за 10 проценти.
Најголем раст од 25 отсто има во категоријата накит и домашни производи, се наведува во соопштението. Новите креации засновани на традиционални иконски детали, како „шен д'анкр“ и „кели“, привлекоа клиенти. Продажбата на кожени производи е зголемена за 20 отсто, а најавено е и проширување на производствените капацитети со четири нови работилници за производство на кожени производи - во следните четири години низ Франција.
Секторот за модни додатоци и обувки продолжи со својот замав и оствари раст од 16 отсто, додека растот на секторот за свила и текстил од осум отсто беше поддржан со постојаното обновување на машката и женската колекција со извонредни материјали.
Секторот за парфеми и убавина е споредлив со првиот квартал од 2023 година, каде што растот од четири проценти беше под влијание на лансирањето на тоалетната вода „ан жарден а ситер“ (Un Jardin à Cythère). Линијата „Х24“ за мажи беше збогатена со производот „хербес вивис“ (Herbes Vives), а колекцијата „Хермесенс“ (Hermessence), која инаку годинава слави 20 години, претстави нов парфем „оуд алзан“ (Oud Alezan - цена: 355 евра/100 мл). Во февруари, „Хермес бјути“ (Hermès Beauty) лансира ново ограничено издание „руж хермес“ (Rouge Hermès - цена: околу 70 евра) и лакови за нокти.
Дали „Хермес“ е новиот „Ролекс“?
За луксузниот бренд, кој обично се поврзува со неговите чанти „биркин“ и „кели“, влезот во топ 20 најпознати швајцарски производители на часовници и постојаниот раст во таа категорија се изненадување за многумина.
Луксузната куќа оствари импресивен раст на приходите од продажбата на часовници и во претходните години: 72,5 отсто во 2021 година, 43,1 отсто во 2022 година, 13,8 отсто во 2023 година и четири отсто во првиот квартал годинава.
Инаку, часовниците на „Хермес“ станаа симбол на префинет стил откако во 1970 година ги претставија препознатливите модели, како „арчеу“ (Arceau) или актуелната колекција „кејп код“ (Cape Cod - моментална цена од 2.700 до 22.100 евра), откако синот на Роберт Дима, Жан-Луј Дима, го презеде кормилото и донесе освежување на брендот.
Bloomberg Mercury
На почетокот, со цел да го обезбеди квалитетот на своите производи „хермес хорлогер“ (Hermes Horloger) (часовници), презеде два важни партнера, „Нејтбер“ (Natéber) и „Џозеф Ерард“ (Joseph Erard) во 2012 и 2013 година, за да ја започне работилницата „Ле ателиерс д“ (Les Ateliers d) во 2017 година во Ле Ноармон. Денес „хермес хорлогер“ е целосно развиен часовник со сите вештини усовршени во куќата.
Според процените на „Морган Стенли“, велат повеќе извори, „Хермес“ сега е рангиран на 16-то место, меѓу швајцарските производители на часовници по промет, пред „Тудор“, „Панераи“ и „Ван Клиф и Арпелс“ и само малку зад „ТАГ Хеуер“. „Морган Стенли“ исто така наведува дека „Хермес“ е највисоко рангиран меѓу луксузните брендови со повеќе категории вклучени во производството на часовници, пред, да речеме, „Шанел“, „Монблан“ и „Луј Витон“.
Соработката со „Епл“ и специјалната колекција лансирана во октомври 2015 година, замислена како комбинација на традиција и иновација, придонесоа за популаризација на часовниците од овој бренд. Инаку, „Хермес“ низ годините има освоено неколку награди на Гран-прито за производство на часовници во Женева - кое сите медиуми договорно се обврзани да го означат како „Оскари во светот на часовниците“.
На изложбата во Женева, одржана во средината на април, „Хермес“ ја претстави новата линија на женски часовници „Кат“ (Cut), чија цена започнува од 5.400 евра. Овој модел се очекува да го започне следното поглавје во развојот на одделот за часовници во „Хермес“, по успехот на колекцијата „Час Х“, која е придружена со симболот Х од името на брендот и нуди најголем број модели во една колекција.
На овој линк можете да погледнете дел од атмосферата од саемот „Часовници и чуда“ (англ. Watches and Wonders) во Женева.
.webp){kind=icon}
