.webp){kind=icon}
Ако очите навистина се прозорци кон душата, која е поентата целосно да се блокира погледот кон нив? Сепак, целосно темните или рефлектирачките очила се индустриски стандард со години.
За среќа, нов тренд во светот на очилата е промоцијата на стакла што се само малку затемнети - доволно транспарентни за другите да можат да го видат погледот зад стаклото, но сепак на корисникот му ја обезбедуваат потребната заштита од светлина и ултравиолетови зраци.
Некои од примерите на познати личности што ги носеа со смокинг на црвениот тепих на годинешното доделување на „оскарите“ се Роберт Дауни Џуниор, Метју Меконахи и Џефри Рајт.
Џефри Рајт
Depositphotos
Овие правоаголни убавци доаѓаат од брендот Жак Мари Мејж (Jacques Marie Mage) со седиште во Лос Анџелес. Називот им е „сандро“ (Sandro) и нудат одличен стил додека обезбедуваат стопроцентна заштита од УВ.
Конкуренција
• Брунело Кучинели (Brunello Cucinelli) ја претстави својата прва колекција на очила во рамките на брендот, вклучувајќи пар во авијатичарски стил (813 долари). Тоа е дел од линијата „сарторијал сансет“ (Sartorial Sunset) со средно темни стакла, чија цел е да го доловат умбриското зајдисонце.
• Њујоршката институција „Москот“ (Moscot) ги нуди своите популарни „лемтош“ (Lemtosh), рамки со различни стакла што се на помалку темната страна на спектарот, понекогаш во бои како жолта и црвена, или посуптилни стилови во темнозелена (370 долари).
• Трендовски и младешки, „Акила“ (Akila) прави очила во различни стилови и бои на леќи - по цени што се достапни за оние што често ги губат своите сончеви сојузници. Секогаш популарниот модел „аполо“ (Apollo / 140 долари) е робустен заоблен модел, кој е особено впечатлив во неговата класична рамка од желка, со мистериозни и секси сино-зелени затемнети стакла.
Восхитувачка глетка
Овие очила не се мали. „Сандро“, базиран на силуета од 1990-тите, е направен од големо парче целулозен ацетат и вклучува систем на шарки од седум дела, кој е цврсто затегнат. Ова е дело на францускиот љубител на винтиџ стил Џером Мејж, кој ги произведува своите очила во Италија и во Јапонија, обично во мали серии од не повеќе од 500 парчиња. Тој бара производствена опрема што датира од периодот непосредно по Втората светска војна, така што производот не изгледа како штотуку да излегол од производствената лента.
Малку затемнетите кафеави стакла се направени со помош на антирефлективен процес, кој обезбедува очите да не се целосно покриени.
Резултатот е восхитувачки пар очила, што е добро, бидејќи очилата се точно во центарот на вашето лице (820 долари; jacquesmariemage.com).
