Најбараните часовници во боја на ф’стак

Ф’стак зелената (или можеби жалфија?) моментално го доживува својот „хоролошки“ момент, освојувајќи го зглобовите низ светот годинава. Иако бојата на ф’стак никогаш не била прогласен од „Пантон“ (Pantone) за боја на годината, изгледа дека сè повеќе добива на популарност: некогаш резервирана за помали часовници, оваа смирена боја, инспирирана од природата, сега се појавува и на големи и на поскромни модели. Современите храбри брендови на часовници воведуваат нијанси како нане, мов и морска пена на сè – од комплицирани модели до едноставни часовници со приказ само на времето. Бојата се појавува насекаде – од ремчиња и бројчаници до компоненти на механизмот.

„Бојата денес е поважна од кога било во светот на часовниците; тоа е начин на кој луѓето ги изразуваат својата личност и стил“, вели Бен Куфер, основач и извршен директор на „Норкејн“ (Norqain). „Ова лето, нијансите на нане и ф’стак се истакнати трендови: свежи, модерни и лесни за носење. Ја одбравме оваа нежна нијанса за ’скелетон вајлд уан’ (Skeleton Wild One) поради суптилната елеганција и лежерната енергија, која совршено го отсликува авантуристичкиот дух на ’Норкејн’“.

Еве неколку од најдобрите модели што вреди да се побараат:

Hublot Big Bang Unico Mint Green Ceramic

Во нова високотехнолошка нијанса за „Убло“ (Hublot), овој интензивно зелен „биг бенг јунико“ (Big Bang Unico) има куќиште и рамка од керамика. Часовникот од 42 мм го движи автоматски хронографски калибар со отворен бројчаник и детали во нијанса на нане – минути, помошен бројчаник и акценти. Финиширан е со гумено ремче во иста боја. 24.100 долари

 

Hublot

Parmigiani Fleurier Tonda PF Skeleton Slate Green

Вешто спојувајќи архитектура и механика, најновиот „тонда ПФ скелетон“ (Tonda PF Skeleton) го движи калибар 777 со сјајно зелени мостови, плочи и компоненти – инспирирани од палетата на Ле Корбизје. Часовникот „скелетон“ е изработен од не’рѓосувачки челик со платинеста рамка. Ќе бидат произведени само 50 примероци. 70.300 долари

 

 

Parmigiani Fleurier 

Oris Big Crown Pointer Date

Култен модел во колекцијата на „Орис“ (Oris) од 1938 година, најновиот „биг краун поинтер дејт“ (Big Crown Pointer Date) има бројчаник во нијанса на мов со „супер луминова“ (Super-LumiNova) стрелки и маркери. Го движи автоматски механизам, а челичниот модел од 40 мм доаѓа со десетгодишна гаранција. 4.300 долари со ремче од еленска кожа; 4.500 долари со челична белезица

Oris

 

Norqain Wild One Skeleton 39mm Mint

Во ограничена серија од само 400 примероци, новиот швајцарски „норкејн вајлд уан“ (Norqain Wild One) има куќиште од 39 мм изработено од ултралесна „норетк“ (Norteq) карбонска смола, со странични делови, надворешна рамка и детали во нијанса на нане, вклучувајќи светлечки стрелки. Го движи автоматски механизам „скелетон“, со гумено ремче во иста боја. 6.150 долари

Norqain

Breitling Super Ocean Heritage 36

Новоредизајнирана, но и понатаму култна линија, „супер оушн херетиџ“ (Super Ocean Heritage) вклучува верзија од 36 мм во не’рѓосувачки челик, со бројчаник во ментол-зелена боја со ефект на „sunburst“, керамички обрач и текстурирано гумено ремче. Го движи автоматски механизам со сертификат COSC, водоотпорен до 200 метри. 5.250 долари

 

Breitling

Girard-Perregaux Laureato Chronograph Aston Martin Edition

Создаден во соработка со британскиот автомобилски бренд „астон мартин“ (Aston Martin), новиот „лауреато“ (Laureato) е инспириран од лимета зелената боја на автомобилите. Часовникот од 42 мм има иридисцентен зелен бројчаник изработен во 15 слоја боја. Го движи хронографски механизам со 419 дела и автоматско навивање. 22.700 долари

Girard-Perregaux

Rolex Oyster Perpetual 41

Најновата верзија на „ојстер перпетуал“ (Oyster Perpetual) има ф’стак зелен лакиран бројчаник со мат финиш – нешто што „Ролекс“ претходно не го нудел во 41 мм верзија. Изработен е од челик „ојстерстил“ (Oystersteel), со редизајнирано куќиште и потенка тока, со сертификат „суперлатив хронометар“ (Superlative Chronometer). 6.650 долари

 

Rolex

Richard Mille RM 75-01 Flying Tourbillon Sapphire

Дел од новата колекција на „Ришар Мил“ (Richard Mille), РМ 75-01 (RM 75-01 Flying Tourbillon Sapphire) има куќиште од сафир со нијанси инспирирани од морето, вклучувајќи морско сина круна и маркери на позициите 12:00, 3:00, 6:00 и 9:00. Финиширан е со светлозелено гумено ремче, а го движи механизам специјално дизајниран за сафирно куќиште. Ќе бидат изработени само 15 примероци. 1.850.000 швајцарски франци (околу 2,3 милиони долари)

Richard Mille

H. Moser & Cie. Endeavour Small Seconds Pop

Користејќи природен камен во новата колекција „поп“ (Pop), „Ејч Мозер“ (H. Moser) ги носи бојата и длабочината во преден план. Овој часовник од 38 мм со приказ само на времето е изработен од челик, со бројчаник од бурмански жад и помошен бројчаник од розов опал за секунди. Го движи автоматски механизам. 36.600 долари

 

H. Moser & Cie