Хрватска е најпривлечна во регионот за дигиталните номади

Експертите веруваат дека до 2035 година во светот ќе има дури една милијарда дигитални номади. Кои се државите што моментално се најинтересни за нив?

 

 

Хрватска го зазеде 11-то место, како најатрактивна земја за дигиталните номади од нашиот регион во конкуренција од 111 држави, покажува истражувањето на „Kayak“, платформа преку која што се нудат авио карти и резервации за хотелски сместувања.

Првите три места им припаѓаат на Португалија, Шпанија и Романија. Од 30 октомври Португалија ќе стане уште попривлечна за дигиталните номади поради тоа што државата за нив ќе дозволи виза за привремен престој до една гдина или дозвола за престој што ќе може да се продолжува најмногу до 5 години. Новата виза е наречена виза за престој за професионални активности од дачечина и надвор од националната територија, а е наменета за определени личности. Таа претставува алтернатива за постоечката виза. Еден од условите за добивање е тоа дека барателите мора да заработуваат најмалку четири пати повеќе од португалската минимална месечна плата, која што во моментов изнесува 740 евра, односно барателите на новата виза ќе мора да имаат месечни приходи од околу 3.000 евра.

Во Хрватска има околу 2.000 дигитални номади месечно

Хрватска е меѓу првите земји од Европската Унија, кои воведоа едногодишен привремен престој за дигиталните номади. Странците со статус на дигитални номади се ослободени од данок на приход и имаат право на здравствена заштита. Доброто време, културните и природни убавини, забавниот живот, здравствената заштита, цените и сигурноста во Хрватска и' обезбедија пласман на државата високо на оваа листа. Според податоците од националното Здружение на дигитални номади, во Хрватска месечно во просек живеат околу 2.000 дигитални номади.

Податоците покажуваат дека во првите осум месеци годинава во Министерството за внатрешни работи на Хрватска виза за дигитални номади побарале 1.070 странци. Граѓани од дури 59 држави, од кои најголем дел од Украина, Русија, САД, Велика Британија и Канада, побарале виза за годинава. За виза за дигитални номади аплицирале и 10 државјани на Србија, 8 од Босна и Херцеговина и 5 од Македонија.

Атрактивна за дигиталните номади е и Србија, која е рангирана на 42 место. Србија нуди западноевропски начин на живот за источноевропски приходи. Меѓу добрите страни на Србија се брзината на интернетот, како и социјалниот живот. Дигиталните номади во Србија може да престојуваат 90 дена, но во тој случај не мора да плаќаат данок.

Од другите држави од поширокиот регион, Унгарија се најде на 35 место според атрактивноста за дигиталните номади, Австрија на 54, Македонија е на 62 место, а Италија на 72 место.

Во југоисточна Азија само две земји нудат виза за работа за дигиталните номади

И покрај тоа што југоисточна Азија е исклучително популарна туристичка дестинација, моментално само Малезија и Тајланд нудат посебни визи за дигиталните номади. Барателите на виза мора да имаат годишен приход од најмалку 24.000 долари во Малезија, а 80.000 долари за да добијат виза во Тајланд.

Подносителите на барањето за виза во Малезија може да останат до 12 месеци, со минимален престој од три месеци. Визата не може да се продолжи за дополнителни 12 месеци. Брачните партнери и децата на дигиталните номади за тоа време може да бидат со нив.

Во Тајланд визата вклучува ослободување од плаќање данок на приход остварен во странство, но барателот мора да остварувал 80.000 долари годишен приход најмалку две години претходно. Имаат и интересно правило дека покрај останатите услови, номадите мора да имаат најмалку пет години работно искуство во областа во која што работат во моментов.

Во моментов нема коментари за веста. Биди прв да коментира...

Остави коментар