Да се врати само еден приземјен авион А380 Superjumbo во воздух потребни се 4.500 часа работа, изјави Алан Џојс, главен извршен директор на „Кантас“ (Qantas Airways Ltd), нагласувајќи го предизвикот во време кога авиокомпанијата се бори да ја задоволи зголемената побарувачка за патувања.
Qantas ги паркираше сите 12 авиони Airbus SE A380 во јуни 2020 година, во периодот кога немаше патувања поради почетокот на пандемијата. Како што расте меѓународната побарувачка, авиопревозникот повторно враќа десет од најголемите млазни патнички авиони во светот.
Во говорот во Сиднеј во понеделникот, Џојс го објасни процесот на повторно активирање на авионите, кои поминаа повеќе од две години во пустината во Калифорнија.
Враќање во воздух:
„За будење на А380 потребни се 4.500 часа или два месеца работни активности. Тоа значи дека 10 инженери треба да работат два месеца во пустината Мохаве и тоа само на еден авион. Тие заменуваат 22 тркала, сите 16 сопирачки, ги отстрануваат сите боци со кислород, како и противпожарни апарати. Сè во авионот е заменето“.
„Авионот беше подигнат со кран среде пустина. Неговата опрема се тестира, а моторите на авионот работат во пустината, за да се уверат дека работат. Ова е потребно само за трансфер од пустината до Лос Анџелес или до друг објект за одржување. По полетувањето на авионите, повеќето од нив имаат уште 100 дена одржување“.
„До Божик ќе вратиме шест авиони, но до 2024 година нема да можеме да ги вратиме сите десет. Потребен е толку долг период”.
.webp){kind=icon}
