.webp){kind=icon}
Англија ќе стигне до финалето на Светското првенство на 18 декември само за да загуби од Аргентина, смета економистот кој точно ги предвиде победниците на турнирите во 2014 и 2018 година.
Јоаким Клемент, инвестициски аналитичар во Либерум Капитал, останува на предвидувањата што ги направи во септември, пред почетокот на натпреварувањето.
За да ги предвиди победниците, користи модел заснован на четири фактори: клима, население, БДП по глава на жител и култура. Најдобри се потоплите земји во кои може да се игра фудбал во текот на целата година, кои имаат многу население, висок БДП по глава на жител и население кое сака фудбал.
Трите големи исклучоци во неговиот модел се Индија, Кина и Холандија. „Индијанците решија да играат крикет, Господ знае зошто“, изјави Клемент за ТВ Блумберг.
Клемент рече дека не планирал да гради модел на предвидување. Наместо тоа, тој сакал да ја сатиризира „ароганцијата“ на економистите кои мислат дека можат да „предвидат апсолутно сè“.
Тој најпрво даде предвидувања дека Аргентина ќе ја победи Англија во финалето кога рече дека нивниот пат кон кревање на трофејот за прв пат по 36 години ќе вклучува и пораз на Шпанија во полуфиналето.
Но, тој во белешката додаде и дека ова Светско првенство било потешко да се предвиди од било кое претходно бидејќи натпреварувањето се одржува во зима.
Според Клемент, другите пристапи за предвидување на победниците, како што е употребата на колективната вредност на играчите во тимот, не биле толку сигурни како гледањето на основните фактори на успехот на тимот. „Малку сум претпазлив да ја користам комбинираната вредност на играчите бидејќи Премиер лигата има многу повеќе пари на располагање и може да плати многу повеќе за играчите“, рече тој.
„Добрата вест за англиските навивачи е дека Англија ќе биде во финалето. Лошата вест е дека ќе загуби“.
