.webp){kind=icon}
Војводата од Сасекс сподели детали од својата нова книга во американското ТВ шоу во интервју што ќе се емитува во недела.
Хари разговараше за неговите мемоари кои ќе излезат наскоро под наслов „Spare“ („Резерва“), во емисија на CBS.
Телевизијата објави краток трејлер за интервјуто, опишувајќи го како „ексклузивно “, а биографијата на Хари, која ќе излезе два дена подоцна, како „експлозивна“.
„Spare“ се очекува да открие детали за јазот меѓу Хари (38) и неговиот брат, Вилијам, принцот од Велс (40).
Ова доаѓа откако војводата во својот документарец за Нетфликс тврдеше дека Вилијам го прекршил ветувањето што го дал дека никогаш нема да објавуваат приказни или брифинзи еден против друг.
Исто така, познато е дека Хари веќе снимил ТВ интервју за неговата биографија за ITV News со Том Бредби, објави „Сан“ (The Sun).
Г-дин Бредби, поранешен кралски дописник за ITV, е пријател на Сасекс и претходно ги интервјуираше за документарен филм за нивната турнеја низ Африка во 2019 година.
