.webp){kind=icon}
Првите нарачки за мемоарите на принцот Хари се слични на најдобрите бестселери на Мишел Обама, покажуваат податоците на „Барнс енд Нобл“ (Barnes & Noble).
Од петокот попладне, „Резерва“ (Spare) беше најпродавана книга на веб-страницата на најголемиот ланец на книжарници во Америка, соопшти компанијата. Книгата, објавена од „Пингвин Рандом Хаус“ (Penguin Random House), е исто така број еден на „Амазон“ (Amazon.com) во Велика Британија и САД. Според најголемиот синџир на книжарници во Британија, делото е на пат да стане една од најпродаваните книги оваа година.
„Тоа ќе биде една од книгите на годината“, рече Шенон ДеВито, шеф „Барнс енд Нобл“.
Мемоарите ќе бидат достапни во продавниците на 10 јануари.
Bloomberg
Мемоарите на Мишел Обама беа продадени во повеќе од 17 милиони примероци ширум светот и беа преведено на 50 јазици, велат од издавачката куќа „Пингвин Рандом Хаус“. Ваквиот успех ја направи Обама трет најплатен автор во 2019 година, според Форбс.
Многу од деталите во меморарите на принцот се веќе откриени, но тоа не ја забави продажбата, вели ДеВито. Сепак, некои книжарници во Велика Британија се обидуваат да ги привлечат клиентите нудејќи попусти за предвремени нарачки.
Мемоарите, наводно, стануваат „бум“ затоа што го прикажуваат длабокиот јаз меѓу принцот Хари и постариот брат принцот Вилијам. Книгата, наводно, се занимава и со употребата на дрога и сексуалниот живот на Хари во неговите помлади години.
