Њујорк е градот со најголем број милионери, а во Сан Франциско живеат најмногу милијардери. Хонгконг падна зад конкурентот Сингапур во рангирањето на најбогатите градови во светот. Имено, Њујорк предводи според бројот на милионери и таму живеат 340.000, а Сан Франциско, градот што е трет на листата според жителите милионери, всушност е домаќин на најмногу милијардери, дури 63, или петмина повеќе од Њујорк.
Бројот на милионери во Хонгконг се намали за 27 проценти, на 129.500, во периодот меѓу 2012 и 2022 година, додека во градот-држава порасна за 40 отсто, на 240.100, покажува списокот објавен од компанијата за миграција на инвестиции, „Хенли енд партнерс“ (Henley & Partners), во соработка со глобалната компанија за истражување богатство „Њу ворлд велт“ (New World Wealth).
Хонгконг сега се наоѓа на седмото место, главно поради тоа што затегнатата контрола на Пекинг врз Хонгконг доведе до егзодус на богатство и бум на семејните канцеларии во други центри.
Лондон падна на четвртото место, а Токио падна на второто место, со речиси 50.000 милионери помалку од првопласираниот Њујорк.
Јуерг Штефен, главен извршен директор на „Хенли енд партнерс“, рече дека повеќето од градовите што се на врвот на листата се во земји што имаат програми за помош при миграцијата на средства и поттикнување странски директни инвестиции во замена за права на престој или државјанство.
„Да можете да се преселите себеси, вашето семејство или вашиот бизнис во поповолен град или да имате можност да изберете помеѓу повеќе различни резиденции низ светот е сè поважен аспект на меѓународното богатство и планирањето на наследството за приватни клиенти“, рече Штефен.
.webp){kind=icon}
Во моментов нема коментари за веста. Биди прв да коментира...