.webp){kind=icon}
Фреди Меркјури, легендарниот фронтмен на групата „Квин“, остави неизбришлива трага во светот на музиката. Помалку е познато дека тој бил страствен колекционер со остар вкус и богато познавање на уметниците и уметничките трендови што ја подгревале неговата интелектуална љубопитност.
Богатата приватна колекција остана скриена во неговиот дом „Куќата Гарден “ (Garden Lodge) повеќе од три децении. Меркјури ја купи оваа грегоријанска вила во Лондон за половина милион фунти, а денес вредноста на оваа вила е најмалку 20 милиони фунти. Познатата адреса беше место на безброј забави во текот на осумдесетите и собиралиште на сите што значеа нешто во светот на шоу-бизнисот, а кога Меркјури почина во 1991 година, куќата и ја препушти на својата поранешна девојка Мери Остин.
Depositphotos
Сега, за прв пат, колекцијата од неговиот сакан дом е достапна за јавноста преку серија аукции во „Сотби“ во Лондон наречени „Фреди Меркјури: Само неговиот свет“. Колекцијата го открива љубопитниот и богат дух на нејзиниот сопственик, кој уживаше во уметност со највисок квалитет, антиквитети и луксузни предмети кои го претворија неговиот дом во простор кој е и раскошен и интимен, но и полн со театралност.
Над 1.500 предмети ќе бидат изложени во специјално дизајнирани извонредни галерии посветени на различни аспекти од животот на Меркјури: од лични предмети, сценски костими, јапонска уметност, ликовни и украсни уметности, најави познатата аукциска куќа, но и ракописи за хит песни. Секако еден од најзначајните артефакти во поп културата - 15 страници ракопис со текстот на песната „Боемска рапсодија“, музичка композиција која засекогаш промени сè за самиот автор, за „Квин“ и за поп музиката, привлекува најголемо внимание и е се проценува дека ќе достигне највисока вредност од 800 илјади од 1,2 милиони фунти кога станува збор за ракописи.
„Боемска рапсодија“, шестиот сингл на „Квин“, првпат беше објавена во октомври 1975 година како вовед во албумот „Ноќ во операта“ (A Night at The Opera). Десет години подоцна, на 13 јули 1985 година, песната доживеа една од најлегендарните изведби на концертот „Лајв Еид“ (Live Aid). За извонредна 21 минута, Фреди Меркјури обедини 72.000 посетители на стадионот Вембли, додека уште најмалку две милијарди луѓе ширум светот го следеа настанот.
„Боемска рапсодија“ е брилијантна имитација на оперски форми, со масовни гласови кои се спротиставуваат на соло-деловите на аријата. Поесната ги евоцира суштинските теми во основата на многу од големите опери - човечка судбина, криминал, казна, трагедија и трансформација. Некои критичари веруваат дека токму преку ова дело Фреди Меркјури отворено ја изразил својата сексуална ориентација и раскрстил со неговиот претходен живот, на кој му претходело дефинитивното раскинување со Мери Остин.
Членовите на бендот не сакаа подетално да го објаснат значењето на песната. „Тaa e многу јасна сама по себе “, коментираше Роџер Тејлор за „оперското“ парче во документарецот на Би-Би-Си. „Има само малку глупости во средината. Самиот Фреди Меркјури ја нарече песната „опера - пародија “.
Depositphotos
Песната беше вклучена во „Куќата на славните“ на Греми наградите, го освои првото место на бројни анкети на критичарите и обожавателите, а вокалната изведба на Фреди Меркјури беше прогласена за најдобра во историјата на рок музиката од читателите на списанието „Ролинг Стоун“ и инспирираше некои од најнезаборавните моменти во поп културата во изминатите децении. Накратко, „Боемска рапсодија“ не е само поп песна. Тоа е легенда. Исто како и нејзиниот автор.
*Доколку ви се допаѓа оваа содржина, имате коментар или предлог, пишете ни на luxury@bloombergadria.com
