.webp){kind=icon}
Индустријата за луксузни производи често покажува отпорност на економските предизвици.
Меѓутоа, овој сектор не е отпорен на промени кога станува збор за барањата и желбите на потрошувачите. Иако купувачите на луксузни стоки сè уште имаат пари за трошење, начинот на кој го прават тоа и производите и услугите што ги бараат веќе не се исти.
Promo / DepositPhotos
Нив сè повеќе ги интересира животната средина, сакаат да купуваат онлајн, и тоа производи што се персонализирани, направени по посебни барања. Исто така, луксузниот пазар е под влијание на новите генерации и демографијата на купувачите. Се смета дека растечката средна класа на пазарите во развој, како Кина, Индија и Југоисточна Европа, ќе продолжи да го поттикнува растот во луксузниот сектор низ светот.
Луксузните брендови што сакаат дел од колачот на пазарот ќе мора да најдат стратегии и да добијат увид од искусни познавачи за да останат конкурентни и да напредуваат.
Promo / DepositPhotos
Поради мноштвото фактори што влијаат на промените во овој сектор - како во светот така и во нашиот регион - индустријата за луксузни производи ќе биде главна тема на конференцијата „Иднината на луксузот“ на „Блумберг Адрија“ („The Future of Luxury“), која ќе се одржи на 4 и 5 октомври во Регент Порто Монтенегро, во Црна Гора.
„Иднината на луксузот“, првата регионална конференција за индустријата за луксузни производи, ќе ја истражи моменталната состојба на пазарот, ќе ги испита трендовите и новите технологии и ќе обезбеди увид за луксузните брендови и бизниси што сакаат да се приспособат на промените.
Promo / DepositPhotos
Говорник на конференцијата ќе биде едно од водечките имиња во светот на луксузниот накит, основачот и креативен директор на истоимениот бренд за скапоцен накит Стивен Вебстер, кој е и претседател на луксузната куќа за накит „Гарард“ (Garrard).
Вебстер има огромно искуство зад себе - дизајнирал накит за светски ѕвезди, како Кристина Агилера, Камерон Дијаз, Џенифер Лопез и Елтон Џон. Тој е познат по својата способност да ги комбинира класичните барања на јувелирската умешност со современите, често и со авангарден дизајн.
Неговите парчиња се препознатливи по уникатната естетика и форми, впечатливите бои и употребата на врвни скапоцени камења. Креативноста и експериментирањето се клучни елементи на неговите креации. Вебстер е добитник на многу престижни награди за дизајн на накит и за придонес во индустријата и останува едно од водечките имиња во светот на луксузниот накит, а на конференцијата ќе одговори на прашањето зошто е добро да се поместуваат границите во светот на луксузот.
Стратегот на полето на глобалниот сектор на луксузот Ашок Сом, кој е автор на повеќе од 110 студии на случај, статии и книги и редовен професор на Катедрата за менаџмент на престижната деловна школа ESSEC во Франција, ќе даде увид во главните трендови и предизвици, но и потенцијални решенија кога станува збор за индустријата за луксузни производи. Тој е еден од пионерите во организациски дизајн и експерт за глобална стратегија за луксузни брендови.
Масерати гран туризмо трофео. Фото: Promo / Maserati Delta Automoto
Соработката меѓу луксузните брендови и другите индустрии, како што се, на пример, технологијата или угостителството, ќе стане почеста во 2023 година. Затоа, на конференцијата своите знаење и искуства ќе ги споделат и претставници на индустријата за суперлуксузни јахти, автомобили, недвижности, мода и други индустрии што нудат луксузни производи и услуги, меѓу кои се:
- Фарук Нефзи, маркетинг-експерт на компанијата „Федшип“ (Feadship), конструктор на суперлуксузни јахти
- Александра Ѓурѓевиќ, генерална директорка на компанијата „Делта ауто груп“ (Delta Auto Group - BMW, Mini, Honda, Maserati, KTM и DPA)
- Душан Симиќ, гемолог и експерт во областа на трговијата со дијаманти, генерален директор на „Аналитикал гемолоџи енд џулери“ (Analytical Gemology and Jewlery - AG&J)
- Маринко Укропина, стратег и консултант во областа на одржливоста на бизнисите, поранешен генерален директор на „СГС Адрија“ (SGS Adria)
- Д-р Игор Вишњар, специјалист по пластична, реконструктивна, естетска и општа хирургија; член на Европскиот комитет за пластична, реконструктивна и естетска хирургија (EBOPRAS)
- Боро Вујовиќ, основач и сопственик на „Оперета риал естејт“ (Operetta Real Estate)
- Аница Раденовиќ, директорка за развој на брендовите на „Фешн компани“ (Fashion Company) и бренд-менаџерка за „ПВХ груп“ (PVH Group)
Во оваа пригода Андреј Кнез, главен аналитичар на „Блумберг Адрија“, ќе претстави анализа на секторот индустрија за луксузни производи во регионот Адрија и ќе даде прогноза за неговиот понатамошен развој.
Доколку сакате да ја дознаете моменталната состојба на индустријата за луксузни производи и каде се движи таа, како и да добиете веродостојни информации што ќе ви помогнат да донесете вистински деловни одлуки и да се поврзете со бизнис-лидерите од регионот, резервирајте го вашето место на конференцијата уште денеска преку ЛИНКОТ.
Спонзори на конференцијата се: Maserati Delta Automoto, Fashion Company, Klinika Višnjar, One & Only Portonovi, BMW, DPC, Belodore, Dukley Hotel & Resort, Divanity, Regent Porto Montenegro, ABP, Bashka Chocolatier, ALBA (Adriatic Luxury Business Association).
