.webp){kind=icon}
Способноста на производителите на луксузни стоки да остварат двоцифрен раст на продажбата и заработката не се изгуби ни во 2023 година, со голема побарувачка за висококвалитетни производи, покажува истражувањето на „Блумберг интелиџенс“.
Брендовите и услугите што сакаат да учествуваат во ширењето на овој пазар ќе мора да се фокусираат на желбите и вредностите на купувачите. Помладите генерации, особено милениумците и генерацијата зед, стануваат сè поважен дел од пазарот на луксузот, а нивните вредности се разликуваат од вредностите на постарите генерации. Ним им е многу важна темата за одржливоста, тие се многу дигитално ориентирани, и тоа не само кога станува збор за шопинг.
Се менува и структурата на потрошувачите - додека порано луксузот беше синоним за ексклузивност, сега се свртува кон инклузивност. Овој сектор бележи постојан раст во земјите во развој, каде што сѐ поголем број граѓани ѝ се приклучуваат на средната класа и остваруваат поголема куповна моќ. Поради сето тоа се поставува прашањето како да се привлечат купувачи, односно како да им се пристапи.
Брендовите мора да бидат подготвени да се приспособуваат на овие промени и да се потпираат на стручни совети за да останат релевантни во динамичното опкружување.
Токму тоа ќе биде тема на конференцијата „Иднината на луксузот“ („The Future of Luxury“) на „Блумберг Адрија“, која ќе се одржи на 4 и 5 октомври во Регент Порто Монтенегро, во Црна Гора, каде што преку три панели учесниците ќе имаат можност да слушнат нешто повеќе за актуелните трендови и иднината на луксузот.
Порто Монтенегро. Фото: Promo / Depositphotos
За време на панел-дискусиите, лидерите во најважните сектори на луксузот ќе ги истражат клучните предизвици и веројатните стратегии за приспособување на секторот во иднина.
Во првиот панел „Како да се управува со променетите потреби на потрошувачите“, учесниците ќе разговараат за тоа како индустриите што продаваат луксузни стоки или услуги се соочуваат со новите барања на потрошувачите, но и за стратегиите како и каде да доаѓаат до нови купувачи. Со посебен фокус на светот на луксузните јахти и автомобили, но и на напредната пластична хирургија, ќе се обидеме да откриеме во која насока ќе се движат индустријата на луксузни стоки и услуги и однесувањето на потрошувачите во иднина.
Учесници на панелот:
- Александра Ѓурѓевиќ, генерална директорка на компанијата „Делта ауто груп“ (Delta Auto Group - BMW, Mini, Honda, Maserati, KTM и DPA)
- Фарук Нефзи, маркетинг-експерт на компанијата „Федшип“ (Feadship), конструктор на суперлуксузни јахти
- Д-р Игор Вишњар, специјалист по пластична, реконструктивна, естетска и општа хирургија; член на Европскиот комитет за пластична, реконструктивна и естетска хирургија (EBOPRAS)
Во текот на наредниот панел „Одржливост и етички практики во индустријата на луксузот“ ќе се дискутира за различни аспекти на одржливиот бизнис во индустријата на луксузот, како и за моралните и социјалните прашања што се релевантни за оваа индустрија, вклучувајќи го и иновативните пристапи кон прашањата за одржливост, како и влијанието на овие прашања врз пошироката економија.
Учесници на панелот:
- Аница Раденовиќ, директорка за развој на брендовите на „Фешн компани“ (Fashion Company) и бренд-менаџерка за „ПВХ груп“ (PVH Group)
- Душан Симиќ, гемолог и експерт во областа на трговијата со дијаманти, генерален директор на „Аналитикал гемолоџи енд џулери“ (Analytical Gemology and Jewlery - AG&J)
- Маринко Укропина, стратег и консултант во областа на одржливоста на бизнисите, поранешен генерален директор на „СГС Адрија“ (SGS Adria)
„Анализа на состојбата на пазарот на луксузни недвижности во регионот Адрија“ е клучна тема од интерес на бизнис-заедницата. Во оваа дискусија истражуваме кои региони привлекуваат најголемо внимание, кои видови луксузни недвижности моментално се најбарани и каква е демографијата на купувачот. Одговорите на овие прашања, заедно со многу други аспекти, ќе ги откриеме преку разговор со панелисти што оствариле значителни инвестиции и резултати во областа на луксузните концепти, а чие богато искуство вклучува примена на овие концепти на нови пазари и носи подлабок увид во динамиката на развојот на луксузните недвижности во регионот Адрија.
Учесници на панелот:
- Нил Емилфарб, претседател на „Стратекс груп“ (Stratex Group)
- Боро Вујовиќ, основач и сопственик на „Оперета риал естејт“ (Operetta Real Estate)
Покрај сето тоа, главниот аналитичар на „Блумберг Адрија“, Андреј Кнез, носи сериозни анализи на секторот, свежи податоци и информации за понатамошниот развој.
Доколку сакате да ја дознаете моменталната состојба на индустријата за луксузни производи и каде се движи таа, како и да добиете веродостојни информации што ќе ви помогнат да донесете вистински деловни одлуки и да се поврзете со бизнис-лидерите од регионот, резервирајте го вашето место на конференцијата уште денеска преку ЛИНКОТ.
Спонзори на конференцијата се: Maserati Delta Automoto - регионален увозник и дистрибутер на возила „масерати“ за пазарите во Србија, Хрватска и Словенија, Fashion Company, Klinika Višnjar, One & Only Portonovi, BMW Srbija i Crna Gora, DPC, Belodore, Dukley Hotel & Resort, Divanity, Regent Porto Montenegro, ABP, Bashka Chocolatier, ALBA (Adriatic Luxury Business Association).
