Премиер лигата без конкуренција-сезонава ќе заработи 6 милијарди фунти

Приходите на англиската Премиер лига се очекува за прв пат да надминат шест милијарди фунти оваа сезона што многу е повеќе од конкурентските европски лиги.

Во сезоната 2020/2021, според податоците од годишниот преглед на Дилојт за финансиите во фудбалот, клубовите во Премиер лигата заработиле 4,9 милијарди фунти и покрај корона кризата. Ова е за осум отсто повеќе од сезоната пред тоа. Германската Бундес лига и шпанската Ла лига забележале пад на приходите од шест отсто.

Дилојт очеува дека аглиската најдобра лига за сезоната 2021/2022 заработила 5,5 милијарди, а за сезоната која штотуку започна, заработката ќе изнесува шест милијарди фунти. Англиските натпревари се меѓу најпопуларните во светот што придонесе и за значителен раст во продажбата на телевизските права, од каде доаѓа и најголем дел од приходот.

Bloomberg

„Премиер лигата влегува во четвртата деценија и сега повеќе од било кога е пред својата конкуренција, излезе од пандемијата без значително да го зголеми долгот што беше спротивно на очекувањата“, вели Тим Бриџ од Дилојт.

Тимовите од втората англиска лига, позната како Чампионшип, се финансиски помалку здрави. Нивите приходи паднаа од 101 на 16 милиони фунти за сезоната 2020/21 затоа што најголем дел од натпреварите се играа зад затворени врати. Овие тимови немаат ништо од заработувачката од ТВ права која ја остварува Премиер лигата. Сега тимовите од Чемпионшип и другите пониски лиги во Англија преговараат со Премиер лигата за поголема дистрибуција на заработувачката што на долг рок ќе влијае на одржливоста на помалите клубови. Постои опција во преговорите да биде вклучен и медијатор, ако страните не можат да постигнат договор.

И додека англиската лига ја зголемува заработувачката од продажба на ТВ права во странство, италјанската Сериа А забележа значителен пад во овој сегмент. Бундес лигата пак, потпиша договор за емитување на домашниот пазар кој беше за пет отсто понизок од претходниот.

Според Дилојт, петте најголеми европски лиги доживуваат инвестициски бум, а две третини од инвестициите се од американски фирми.

Во моментов нема коментари за веста. Биди прв да коментира...

Остави коментар